شدني للشعر هاجس وأبتدى نظـم القصيـده=ثورة الشاعر قصيدة بالحـروف الابجديـه
لا بغيت أكتب لقيته داخلـي ماهـي بعيـده=ترتسم قدام عيني فـي غـرور ونرجسيـه
كنها يوم أحتوتني سيّـدة وأصبحـت سيـده=همسها بوح المشاعر وأغمرتنـي شاعريـه
قلت وهي تآمر علية وش بغيتـي ياعنيـده=قالت حروف القوافي ؟ قلت خوذيهـا نديـه
أكتبي هالحرف معنى بس لا كّرر وأعيـده=وآقلب المعنى عليك ؟ وردة أفعالـي قويـه
قالت آمرني تدلل صرت بوجـودك سعيـده=لا تهدد لا توعّـد كسـرة الخاطـر خطيـه
وأنشرح صدر القصايد وجتني الفكرة وأجيده=يحبكة واسع خيالـي ليـن تصبـح دائريـه
تلبس الفكرة حروفي وأقنص المعنى وأصيده=وأتسع رسم الدوائر ليـن صـارت لولبيـه
لعبتي ؟ والفن فني ؟ ولعبتـي دائـم فريـده=تنفرد بجنون شعري لين تصبـح سامريـه
ماحسبت حساب غيري لو فعل ضدي مكيده=أصدح بصوتي وأغني في شموخ وعنجهيـه
واثق الخطوة مليكٍ مـادرى بغايـة عبيـده=تصغر بعين الاكابـر مـن بلاويـه البلّيـه
هي كذا يوم أسئلتني ؟ تنتظر علمٍ تريـده=القمر غير الكواكب والكـدش غيـر العّبيـه

وش غير دمعات الرجل لادرجت ضيم =ويقول عذره .. ذي حدود الرجوله
يلقى البكا رحلـه توديـه للغيـم=ينسى الحياه بدمع يلغـي فضولـه
لحظه بعْد كبت وشقا لـه مراسيـم=فيها يسافر لاعجـز عـن ميولـه
يغرق بجوف الاسئلـه والمفاهيـم=ويبلل أوراقه عـزا مـن ذهولـه
العمـر يجتاحـه ربيعـه بـلا ديــم=ويبكي شعر مايشعر بشيء حولـه
في قصةٍ يرحل بهـا الوقـت ويهيـم =للشاعر اللـي هاجسـه مـن يطولـه
ياصاح .. أصوّت والصدى كنه مقيـم=وأنـا علـى نـار أتحـرى وصوبـه
وضح الهقاوي عّــودن لي مجاهيـم=بس أنتظر وعدٍ وصلنـي رسولـه
طــوّل علّي وأنـا علّـي الملازيـم =حوله ولكني من الجور حولـه
هـو من متى برق الدجا يسـرق الغيـم=من ظاميٍ بـس أيتحـرى هطولـه
مقسوم ياكثـر التعـب يالمقاسيـم=وهذا نصيب أنسـان متعْبّـه قولـه
مفهومـه يعّايـش جميـع المفاهـيـم=تحتار هامـات النخـل فـي مثولـه
الله خلق في داخله مكِتُنـز ضيـم =وأنا بْسَمي صبره أسما بـطـولـه