علي بن عامر




يسلامي سلام اسلام لا تجحدونه=عقب صمنا وعيدنا بعيد ارمضاني
لكن الذيب الاقشر عقب طلع سنونه=صوب اكثر عباد الله ولاهوب فاني



سلطان بن دحيم



مرحبا والله يحييك مالك مهونه = من هجوس(ن) عوايدها تجيب السماني
كل عام(ن) يجي في لون ماهوب لونه = والدعاوي تعود عند ساحر عماني



علي بن عامر



البقا ياعميل(ن) مايهسّن ظنونه=يعني العشر عنده ماتعود ثماني
لو كسرنا سنونه مالطمنا عيونه=يجرحك وانت تنشر فوق ابوه التهاني



سلطان بن دحيم



انت طيب وراع الطيب ما انت بتخونه = يوم بعض العرب عود سوات السماني
السلاح متوفر ليه ما تشترونه = يالله المستعاني يالله المستعاني




علي بن عامر




الكرم في حلال الطيب تملا صحونه=والزلامي كبير ولا درى بالسناني
باقي(ن) عشرة أيام وتجيك النمونه=وكان في خشمك اعرام ابتعد عن مكاني




سلطان بن دحيم




كل راس تجيله عزته من متونه = علم اللي ليا شاف الخطر ما يداني
العجم علمهم كيف العرب يقبلونه = والعرب قدمهم صاروا سوات السواني




علي بن عامر




برد آديترك لا تبتليه الصخونه=وان تفجّر يجيك فلان مدري فلاني
والله اللي خلقنا مارضينا المهونه=لو رضاها جبل حلّيت ولا اثهلاني




سلطان بن دحيم





كان ما انت بزبون الهوش فأنا زبونه = ودي اكشف لخلق طبوع الجباني
منكر (ن) والعرب ياعلي ما ينكرونه = لومنا فوق من يقرون سبع المثاني




علي بن عامر




انت مجنون والمجنون مابغا جنونه=لوّ تمشي معي هديت كل المباني
صاحب الدين مانته لاقين فيه بونه=واردٍ بير زمزم ماشرب برتكاني




سلطان بن دحيم





ايه مجنون طيب(ن)يقصر اللاش دونه = والله اني لسوق الجرب بالخيزراني
الصياح العرب من يمكم يسمعونه = لكن انته علامك صاير(ن) قلباني



علي بن عامر




الجمل مادرى بالعود لو هز شونه=مير لا تدري الاجواد بانك تعاني
لو يهل المطر ولا تقفي مزونه=ثابتٍ في مكاني ماتزحزح مكاني