|
لو تدري أنك غاليٍ ما تغليت
ولو تدري أنك خافقي ما كويته ولو تدري أني من فراقك تعنيت كان العتاب اللي كتبته محيته (الحميدي الحربي) |
لولا اختلاف الراي ماجيت يمك .. لكن جيت وانت فيك الكفاية
يهمني رايك وراي يهمك .. وكلن يفسرها على قد رايه اهداء الى عاشق |
شابت عيــوني و شاب معها قصيـدي
...............حتى تلاشــى عن حيلـــتي خبــــرها شلت جـــروح الحب منــي وريـــــدي ................وراحت تدمـــر في بـــداية شهــــرها شهرين عـــدت يا عــرب ما تزيـــــدي ................و نارٍ بجــوفي قــد تزايــــد سعــــرها شروق شمس الشوق اضحى بعيدي ................يا ويــل قلبـــي لــو تلاشــى قــمرها لـ................................................... ........... ...... |
من هول صكات الزمن صرت مرعوب
وعقب الشجاعة قمت أهدّي وأحاسب وأحسب ليالي العمر والعمر محسوب لاشك من فوق المحاسب محاسب وإن رحت لا طالب ولا نيب مطلوب خسارة الدنيا لديني مكاسب (سعيد الحمالي) ... |
تِبَاشِيرَ السَعَاده عَنْ نَظرنَا لفَّهَا النِسيَان ............................ وَ فَوقْ أهَدابَنِا مَاتتَ مِنْ الحَسَره أمَانِينَا عَلى دَربَ الَالمْ تَمشِي مَواطِينَا عَلى النِيرانَ ............................ ظَلَامَ اليأسَ يَنْشِرنَا عَلى حَبْلهَ ويَطَوينَا تَرانِيمَ الهَنا فِي يَومَ مَولِدنَا غَدتْ صَلبَّانَ ............................... صَلبْنا فَوقَهَا مِنْ غِيرَ مَاتِجَنِي إيدَينَا |
.
. الصبح ما هو طلعت الشمس للكون .......... و اليوم ما هو يــــــــــــــــــوم لو مر دونك تدري لو إن الامر بيدي وش يكون ؟ .......... تعلن صباح النـــــــــــــــــــاس طلة عيونك لـــــ ...... ــه ،، ! |
عهد(ن)علي يازايد.الجود
والطيب. اني لوضفها.ويلقى لحنها كذا.كذا.تاصل بليا مكاتيب. معنونه للي جهل عن جهنها الشاره اللي فوق روس المراقيب راحت غفل في ذمت اللي رسنها سردااار |
اشهق بشوق البعد و يجيني الموت
..................... و اشرب من الماء لجل اللحق حياتي |
فوق أنف الشموخ ودون حب الخشـوم
يا شلع بـي خفوقـي ينثنـي بالعبـاه إن فرحت اتباهى وان حزنـت مهـزوم وان فتحت المجلد قلت محـد(ن) قـراه من حصير الكرامه من تفاصيـل يـوم من هدوء الغريب ونظرته مـع حيـاه من حصاد الليالي من لهيـب السمـوم من تقاسيم وجه اللي غدا مـن ضمـاه من ذهاب المسافر لين وقـت القـدوم من رغيف الفقير الصبح حتـى مسـاه العـزوم القويـه تنتـحـر بالـعـزوم والقدر ما يعلم من سـأل عـن خفـاه للعمـوم اتكلـم وافتـخـر بالعـمـوم والهجوس ان تكلم يحتضر مـن غثـاه صوتت لي هنوف(ن) في خيالي تعـوم واشرت صوب رجم(ن) يتعب اللي رقاه انتخت بـي وقلبـي للنخـاوي يشـوم واشعلت من ضلوع المشتكي ما طـواه جت غريبه ولكـن جـت بليـا هـدوم عاريه في زمان(ن) ما يحـب العـراه النـوايـا مـلابـس والتقالـيـد دوم بين زيف القناع وبين حصـن الـرواه بيتها من حديد وعندهـا الفـرس روم في ظهرها سهوم وفي يديهـا حصـاه نوب ترقى الجبال ونوب صعب(ن) تقوم وان غفت نص ساعه قوموها الغـزاه في لغتهـا الإشـاره للأمـام الهجـوم وان تـوارت ورايـه تستفـز الرمـاه بنت شيخ(ن) شجاع ولا جهل بالعلـوم ما مشى في حرام ولا شكى من حفـاه لا بها ضلع(ن) اعوج والجدار مهـدوم وان بغت لين القاسـي يليـن بقسـاه تحتفـل يـوم اناجيهـا تسـد اللـزوم تعطي الـراي لكـن ماتعـرف الوجـاه ودها اطلع واعانق في هواهـا الغيـوم ودها اسبق غريم(ن) مبتلـي فـي أذاه حطمت واستباحت حاكـم(ن) ومحكـوم واستعفت من اللي ما يحصـل عشـاه فاخره ما تطالع فـي نظرهـا الرخـوم وان نظرها الغشيم يطيح ممـا غشـاه اتوجد علـى نفسـي واعاتـب والـوم وان تشمت عذولي قلـت مـاذا دهـاه ليه يشمت وحلمي فوق فـوق النجـوم والخساره عليـه مـن ورى مستـواه من يدور على الـزلات يبطـي يحـوم ويتخبط ويضرب ركبتـه فـي عصـاه لا يواجه يقـال انـه أشـد الخصـوم ولا يقـول الصحيـح ولا يـذري ذراه الزوايـا تثبـت والهـدف مايـصـوم والدوا حيـن يفتـح ينعـرف محتـواه ياخفوقـي عليـك الله بالـك تـنـوم اصح حتى تنـال المجـد والا الصفـاه وانتبـه لاتصـدق لاتصـدق حـلـوم تنتهي يوم تصحى واعتبرهـا وصـاه النظر سهل ياصل لين روس الحـزوم والسواعد تكبل ميـر ويـش السـواه من جهل في زمانه عاش فيه محـروم ومن يجامل على نفسـه يضيـع دواه الولد جا معـه بنتيـن والحمـل تـوم ورثهـم قسمـوه العارفـه والقـضـاه السوالـف قريبـه ماتعـدى الكـمـوم والهقاوي على الصقـار مثـل القطـاه من بغى مايحج انكـف ولـو بالجمـوم ومن بغى الحج حاول لو بعيـده خطـاه الطهـاره طهـاره والخيانـه هـمـوم ولايصيح المعنـى غيـر ممـا كـواه الحضيض ان تردى الحظ فيه مخـدوم وان رفعه اقتعد وان ضاع حظـه لقـاه ماتضيع الغنيمـه كـان فيهـا وسـوم وان بغاها عطيـه جعلهـا مـن فـداه دوم حق الكريم مفـرق(ن) ومخصـوم ينفق اللي يجيه ولا رجى مـن عطـاه الخفايـا كثيـره والحصانـي تـسـوم والغلا مايخفى واضح(ن) مـن غـلاه ليت عمـر السعـاده بالسعـاده يـدوم وليت عمر الشقاوه ضايع(ن) بالفـلاه وليت ليـت المعالـي للنشامـا تـروم وليت سلم طلوع المجد ينسـى الوطـاه كان تصفي ولايلقى العزيـز مهضـوم وكل طايل قصر له وان بغـاه اعتـلاه الشاعر / عبدالعزيز عبيد العدواني العنزي اهداء.لجميع الشرفاء |
ادري انهـ من نصيبيـ بالاحلام!!
وادري انهـ لغيري لابغيت الحقيقهـ |
| الساعة الآن 02:19AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية