|
السلام عليكم ورحمة الله مرني صديق لي شايب مثلي ولكن ما شاء الله عليه نشيط ويحب السفر قال يالله نبي نسافر للدمام طبعا بالسياره وكان مالي نفس بالسفر قلت والله انا ما اسافر اللا اذا كانت المحفظه مليانه واليوم خاصه المحفظه فاضيه بالمره قال احسن انها فاضيه انا محفظتي مليانه والله ان تطلع معي كلها يومين وراجعين المهم نغير جو قلت اعذرني حتى ولو محفظتك مليانه شفت الرجال زعل وانا ما يرضيني زعله قلت لعيونك ابشر توكلنا على الله واخذت معي الشاهي والقهوه وصرت اصب له ويتقهوى قلت عب بنزين قال بعدين فيه نصفه وبعد حوالي ميتين كيلو وقف عند المحطه وقال للهندي عب السياره فل وبعد التعبيه قال للهندي كم الحساب قال ثلاثه واربعين ويدخل يده بجيبه وطلع يده وصرخ وصفق بها بالثانيه وقال نسيت المحفظه بثوبي اللي خلعت قلت بيني وبين نفسي فرصتي اصيح عليه قلت الشرهه على اللي يسافر معك انا ما معي ولا قرش حل المشكله عطه ساعتك رهن ونرجع نجيب محفظتك مسكين صدق وعطا الهندي الساعه قال الهندي ساعتك قديمه عطني جوالك واذا جبت القروش ارده عليك قلت عطه جوالك قال حرام اعطيه جوالي قلت طفه وعطه له عطاه الجوال ومشينا خمسه كيلو فقط وهو زعلان قلت له ارجع للمحطه قال ليه ضحكت قلت محفظتي معي وفيها خير ورجعنا وحاسبنا الهندي واخذنا الجوال وطلعت محفظته وقلت ابشرك محفظك موجوده لانني اخذتها من جيبه وهو يسوق وما حس قيني قال والله ماني مصدق نفسي اني نسيتها ولكن اذا قالوا راسك عليك والا ما هو عليك رحت تلمسه ولكن عليك حق كيف تسوي بي هذا المقلب الثقيل ولكن سوف اتقاضا منك لهذاانا اخذ حذري من مقلبه اللي يتوعدني فيه والله يستر منه وسلامتكم تقبلوا تحياتي |
اقتباس:
ههههههههههههه والله منت بهين يا ابو محمد مقلب ولا احلى منه اثاريك منت بهين تعال علمني وين تعلمت الحركات هذي ههههههههههههه بس بغيت تطير عقله من راسه و مسكين الرجال ما عنده حل غير يرهن جواله باربعين ريال هههههههههه تحياتي يالقرم ريف |
انا قصتي فيه يوم من الايام وانا نايمه بغرفتي حسيت بخرفشه وقمت مفزوعه وابوي الله يهديه يقفل اللمبات اذا نمنا ماهو بخل لا علشان ما نسهر بغرفنا واذا ولعنا النور يشوفه من نافذه ثابته صغيره بالباب مربعه من زجاج بكل ابواب غرفنا والزجاج مثلج المهم انا قمت والدنيا ظلمه من اجل افتح النور من خوفي وبسرعه واذابي اطيح باللابتوب وانفجع زود وانا اقفز بقوه واذا انا متكرفسه بطاولة عليها ترمس فيه شاي اخضر المهم ولعة اللمبه واذا اللابتوب الشاشه بجهه والجهاز بجهة يعني انعدم واذا ترمس الشاي متكسر والشاي سايح على اللابتوب واصرخ صرخه تقوم الميتين ويقوم الوالد والوالده ويجون بسرعه ويلقوني مفزوعه ويشوفون المكسر جلسوا يسمون علي وانا اتمتم واسمع الوالد الله يطول بعمره يقول تبشر بجهازين بس تكلمنا وتعلمنا وش فيها المهم خذوني للصاله وهديت وعلمتهم وبعدها وابوي جايب لنا ابجورات قال بس الابجورات اللي تخلونها وقت النوم والحمد لله جاب لي لابتوب وبس الله يجزا والدينا بالجنة |
بصراحة مواقف سرقت الوقت بدون ماادري أستمتعت بالقراءة ولي عودة للتكمله وللمتابعة ربي يعطيكم العافية والشكر بداية لصاحب الفكرة سفيرنا الغالي أبو محمد و موصول أيضا لكل من امتعنا بموقف .. والحمد لله على سلامتك سندريلا:d أقصد ツ】ઇ需ظـنــوونــه需ઇ【ツ وربي أقشعر جسمي تخيلت الكسر أما سالفة الأخوين صدعت منها شكل ماعندهم شوفة ولا خطوبه.. يارب سترك من اللي ماعندهم ذمة.. أما أنت ياسحابه مطر فدى عيونك الاب شكل الخوف واصل حدة .. الا ماقلتي لنا وش كان الصوت هههه .. .... دمتم جميعا بسعادة ..ليلي وايت |
هههههههههههههههههههههههههههههههههههههههههههههههه
موااااقف هي كثيره نمر بها منها الجميل والمضحك ومنها الزعج والمؤلم بقولكم علي موقف صار وياي من فتره سافرة صديقتي الغاليه وهي بحسبة اختي واعز من اختي سافرت برفقة اخت زوجها وزوجها لعلاج اخت زوجها وتعرفون علاج بالخارج ومواعيد ويلتهون الناس مابي ازود بالحكي المهم يوم رجعتها من السفر ماعلمتني يومها كنت مريضه وتعبانه وماتبيني اتعنى لها بالمطار المهم علي العشاء قالت لي امي انها وصلت ماصدقتها قلت لا هي كلمتني الفجر وكان عندهم موعد مايصير قالت الا جت في بيتها ,,,,, هنا انصدمت منها لي مماخلتني اجيها ادري طولت عليكم صح المهم وقتها مشغوله حدي بفرحتنا باختي وزفافها وماقدرت اروحلها وماصار مجال اروح ومر 5 ايام ماكلمتها حبيت اقابلها لان الكلام ماينفع طلعت الصبح واخذت جارتي معاي وديتها موعدها بالمستششفي ويوم طلعنا من المستشفي طيراااااان علي بيتها شوقي اخذني لها غلاتها غلات الروح لاتلوموني بغلاتها المهم باب بيتهم الخارجي هي تقولي اذا جيتي دزيه برجولج ودشي لاتطقين الصبح زوجي بالدوام المهم دزيت الباب ودخلت مستعجله لشوفتها ودخلت من باب الصاله ابطلع علي الدرج يم باب الصاله الا انا عند اول درجه انصدم صدمه مابعدها صدمه تدرون من شفت عند الدرج بالنص شفت زوجها ههههههههههههههههههههههههههههههههههههههههههههههه وهو همن منصدم منو هذي الي داخله وماهي مغطية وجههاااااا ومن صدمته اخذ جنب الدرج انا غطيت بسرعه وجهي بس انا مو متعوده اغطي وجهي المهم انصدمت مادري شسوي قضبت عباتي وطلعت لادرج ركض درجتين درجتين ودخلت شتها هي بيتها فوق قاسمته شقه لها وشقه لعيالها ويوم دخلت قفلت باب الشقه واخذت نفس عميق رحت باب غرفتها وطقيته طقيته الا تقول منووو خلوا الحليب بره الحين اقوم قلتلها انا عند الباب هع هع هع هع هع هع هع هع هع ه ع مالقيتها الا واقفه عند باب غرفتها مصدومه تقولها شنو شلون لايكون شافج زوجي هههههههههههههههههههههههههههههههههههههههههههههههههه هههههههههههه قلتلها مادري شفته وماشفته شوقي لج يانطر عيني طيرلي عقلي اول مره ليه مدري كانت حزتها وقت صلاة الظهر زوجها طالع للمسجد بيصلي لوووووووووووووووووووووووووووول وربي قاعده اكتب واتذكر موقفي وميته ظحك علي نفسي ههههههههههههههههههههههههه المهم اكيد بهالحركه انا غلطانه وعارفه هذا بس هي تقولي زوجها بالدوام وهمن مايجي الا عقب الساعه 1 انا قلت لصديقتي زوجج وش يبيسوي يافشلتي قالت ماعليج طنشيه المهم شفتها وشافتني وشربت وياها شاي الا الوقت يمشي بسرعه نسيت جارتي بالسياره طبعا هي استحت واركبت لاسياره وتدور علي الجزيره يوم شافت زوج رفيجتي ودق علي وماارد هههههههههههههههههههههههههههههههههههههههههه شوي الا زوجها يدق علي جوالها يقول منو الي دخلت وليه كذا تدخل وماتطق الجرس ولا الباب قالت بعدين اقولك قال مافي بعدين لا وتطلع فوق ماتدخل عند امي بعد مو وحده من خواتج المهم سكرت الجوال وسلمت عليها وطلعت من عندها ورديت البيت الا زوجها يقول ابي اروح لخالتج اقولها بنتج مادخلت عند امي راحت لصديقتها علي طول بس بجد من يومها قلت خلاص ماطب بيتها طول مازوجها بالبيت وماعدت ارد عليها اذا قالت تعالي الصبح توبه اجي بيتها الصبح مع انها غيرت بيتها للبيت جديد بس همن ماعدت اجي بيتها الا العصر ولا المغرب وللحين ماتواجهت ويا زوجها متفشله منه وفي اشياء واشيااااء يالله نكتبها مره ثانيه |
اشكر كل من مر وكل من شارك
|
السلام عليكم ورحمة الله
انا وحارس العماره وصلت منذو اربعة ايام الى جده ودخلت الشقه وياغفل لك الله جالس على الكمبيوتر واذا بالكهرباء تتوقف وانتظرت لمدة ربع ساعه ولم تعود الكهرباء كالعاده واخرج وافتح انارة المدخل واذا هي تنور علمت ان الكهرباء مقطوعه عني فقط ودخلت الشقه من اجل ان اتصل بالحارس لاعرف السبب حيث انني مسدد له وقبل خروجي واذا بالحارس يدق الجرس قال لي بابا كهرباء فيه فاتوره بخمسية ريال قلت انا مسدد لك قبل اسافر قال صحيح بابا بس شريكك بالعداد هو المسئول عن السداد انت بس عليك ميه هو ثلاثه شهر ما سدد عطيته ميه وصار يتصل بجاري طبعا تمثيل وصار يقول لازم انت يسدد بابا سدد انت ما يسدد قلت في نفسي يهك علي عينك عينك خله على فاله تصوروا بس دخلت ثلاث دقايق ولعت الكهرباء علمت ان حدسي على حق وانه نصاب خلال خمس دقايق سدد وجاء مندوب شركة الكهرباء واعادها بهذه السرعه والله ما صارت زهمت عليه وجاء وقلت ادخل ودخل وصكيت عليه المجلس قلت انا ابا ازهم بوليس لك انت كذاب ونصاب قال بابا انا مسكين ماما مريض وانا ما فيه فلوس انا خلاص ما فيه بابا انا اعطيك فلوس انا كذاب وفتحت له الباب وقلت فارق بس ثاني مره تسويها اوديك بوليس قال خلاص بابا انا مفيه كذاب بابا انا مسكين وسامحته وســــــــــــــــــــــــــــلامتكم |
السلام عليكم ورحمة الله اليوم قصتي تختلف عن اللي قبلها مركز مرحبا بجواري لا يبعد عن مقر اقامتي سوى سبع مائة متر واذهب على اقدامي له للتسوق وشراء بعض احتياجتي الاسبوعيه وبعد ما اشتري احتياجتي اخرج عند البوبه واول لموزين اجده اركب معه وعندما يمشي يسألني اين تريد اتجاهل سؤاله ثم يكرر سؤاله واذا انا بقرب العماره اقول ابي غليل على طول يوقف ويقول لي لالالالالالالالالالالالالالالالالالا انا ما اروح غليل واقول طيب قدمني جنب العماره ذيك ويقدمني واعطيه خمس ريال ويتشكر مني اليوم ركبت كالعاده وعندما وصلت لمقري وجدت الفكه ثمانيه ريال قلت عطه الثمانيه حتى لو ان المشوار بسيط ونزلت وعطيته الثمانيه قال لالا انا ابغا عشره قلت تبغى عشره قل ايوه قلت طيب امش قال وين قلت له لغليل قال لا لا لا مشوار غليل بعيد وزحمه يا بابا قلت انا عارف بس انت تبغى عشره ريال على مشوار قريب انا اعطيك ثلاثين ريال على مشوار غليل قال انا ما اروح ولا بمية ريال قلت والحل قال خلاص اللي يعطيني بابا كويس قلت فقط اعطيك خمس ريالات قال طيب شكرا بابا المهم غليل لالالالالالالا والنهايه اعطيته عشرة ريالات تعرفون ليه لانني عطلته هههههههههههههههههههههههههههههههههههههههههههههههههه هههههههههههههههههههههههههههه للجميع تحياتي |
ابومحمد:d
هذاهالمره ورفض يروح لغليل بس انتبه يعرفونك :d ثم ماتدري الا هو رايح لغليل ثم 30 رايح و30 جاي هذا ان لقيت واحد يرجع من غليل الله يجزاك بالخير يابومحمد ويسعد ايامك :r: وحارس العماره لوينفصل الكهرب شكله بيسدده هو>:thumb: موضوع متجدد بمشاركاتك والاعضاء والله يوفق الجميع/سلمت ودمت يابومحمد |
من المواقف الطريفه
تركت سيارتي مفتوحه ونزلت السوق ويوم رجعت وفيها ثلاث حريم وحده قدام وثنتين ورى وانا اوقف جنبهم على الرصيف وافكرويش اسوي...... واشوف هاالرجّال شايل كرتون مليان اغراض ويفتح شنطة السياره ويحط الكرتون ........ وعلى طول فتحت باب السواق وهو يطالع في ويقول " سلامات؟ ..... قلت (الله رزقني بثلاث حريم وكرتون مقاضي ههههههههههه وهويطالع ويشوف سيارته واقفه ويصيح على النسوان {انزلوا الله يرجكم غلّطتوني معكم} وجات سلامات. |
| الساعة الآن 11:35AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية