الحب مثل الاسم:ماهو على الكيف=كم واحد-ن-وده ترى يلغي اسمه
اما ملل..والا اللقب فيه تزييف=تلقى التناقض بين اسمه ورسمه
مابه خيار:الحب فوق التصانيف=فيه انصهار الوجد :دمعه..وبسمه
مرّه يصير الحب لوعات ويخيف=ومرّه يجي في شكل نشوه..ونسمه
ورغم اتضاحه صعب:يحتاج تعريف=مثل البخت لامال ينقال: قسمه

يالي تجيني لا تروح وتبعد
ان بدونك ماقدرت استافي


بريت حالي عاد لا تتغلى
ما تدري اني بالغلا متعافي


تعبت ادور عذر واتعذرلك
واثري لعذري مالقيتك جافي


قنعت بان البعد دايم عله
ويعذبك ويجيب شي خافي


لكن رغم البعد رغم المده
كل عام وانت بجوف صدري غافي