|
صحـت ألسنـــــــة الشعار
عييت من شانك ادرس طـب واعالج/// لكـــن مافـــاد برك يامل البلوا عساك ماتموت لين يصــيبك الفالج/// اخذت مستقبلي واقفيت بالسلوا ههههههههههههههههه تحيــاتي |
وا عيني اللي لذيذ النوم ما جاها=من يوم ما غاب عنها عز خلاني تغفى عيوني ثواني وأسمع خطاها=و أصحى أدورها و اثاري كنت وحداني |
نيازك البعد والحرمان تقصفني=ومشاعري بالوفا لجلك محصنها تدري وش اللي على مثلك محسفني=اني عطيتك شعور(ن) ماتثمنها |
هاج البحر من عقب ماكان هادي= وانته سبب ياعقاب جزره ومده انته وانا بنهيم في كل وادي= الا الهوى واديه مانيب قده مثلك بسبك القاف ماهوب غادي= بس الهوى مغديك مانته بنده الحب للأحباب ماهوب عادي= لاغارت الفرقا بكينا الموده |
دهاك مايخفي عليه وانا اخوك =انا عرفتك واعرف اللي نويته انا معك مدام الاجواد خلوك=واللي شراني اعرف اني شريته اشوف اسمك بين الابيات مشبوك=من جبت اول بيت والله لقيته |
مشاءالله عليكم
صح السنتكم شعرائنا المبدعين لاهنتو جميعا رائعه كل الابيات بجمال عذوبتها الف شكرلكم استمتعنا معكم وبنتظار القادم وفقكم الله |
تهت في صمتك ولا حرك شجونك فيك فيك = يا خسارة عشق صامت ما يحرك فيك حس والقدر حاكم بصمته والبلاوي فيك فيك = والصبر أكبر تجارة في زمن غدر ونحس |
حسبي على الحب لاشحت مواصيله=وحسبي على اللي يقول الحب عذبني الحب لو جبت انا ياعقاب تحليله= مغير حرفين معناها مصاحبني الحا حياة المشاعر في مراسيله= والبا بقاء الغرام اللي مجنبني مانيب احب بعذاب الكذب والحيله=يعني كذا( الحب )والا مايناسبني |
نيابةٍ عن قناة الحب سمعني=مدام لك في مجال الحب تجريبه أشرح معانٍ بالهوى دوم تخدعني=مسكين قلبي كواه الحب بالريبه مره يذوقني العسل فنجال يشبعني=ومره أطبه بحر ملحٍ مشاريبه هات الجواب العدل يا عقاب طاوعني=يمكن يجوز ألي على الدوم وأسريبه |
بهرت دلة غلاك بحبك العذري= ومديت فنجالها بس انت كبيته تدري وش الي عليك مضيقٍ صدري؟= ماهو غيابك !! قصيدٍ فيك سويته |
| الساعة الآن 08:36AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية