|
الحنين
الحنين اللي تسلي فيه نفسك للحبيب يا حسافة ما طرا في خاطري حتى أحن كل ما طاف بحياتي يا حياتي من نصيب ما رقا إحساسه بعض أبيات أو حتى لحن ما مضى من قهر إجحافك هواجيسه تخيب كيف تبغاني أحن لمعضلاتك والمحن الزمن حرم حنينه والأمل أضحى غريب والغريبة من يحن لخله أنتم أو نحن المعنى القادم الوله كلمة المعنى للشاعر القادم |
كل الشكر والتقدير د سالم
على اثراء المتصفح بنور قلمك الوله لامتى نخفي المشاعر يالهنوف القلوب سنين تنبض بالـ وله طال آسر شمسنا قيد الكسوف الدهر خلى الموارد مقحله (نسيم) كل الحب |
يانسيم الصباح سلم على باهي الخد :)
: عل يوصل سلامي يمكم للحجاز منتشيبه غرامي مع هبوب النسيم منهو اللي يحبك في شرف واعتزاز بين كل الخلايق غير عبدالكريم . (العنق) |
اقتباس:
خلف الشلهوب المنتدى والقوافي منيرة بوجودكم و جميع الأخوة الأعضاء .. شكري و تقديري الكلمة أو المعنى المطلوب العنق !!!!!! الله يعين !! ما حصلت غير العنق !! اللهم أعتق أعناقنا من النار أقول
يابنت لو حملك تسع (ت) اشهر , شوي !! = مو شغل تسعة , كل هذي العطايا !! وان كان قالوا شي , شفناك كل شي = والبوح في غيرك ,, ذنوب و خطايا !! العنق لفه عقد من أنجم و ظي = منه السما صارت لجيدك مرايا !! حسنك أبد ما جف , بعروقه المي = يشبه نبع زمزم ,, جزيل الهدايا !! رمشك يضللنا من الشمس بالفي = ظمي برمشك خافقي والحنايا !! الكلمة القادمة مرايا |
ماشاء الله موضوع جدا جميل و يسعدني ان اشارك كبار الشعراء هذا الموضوع الجميل
المرايا ماتت اللحظة عقب هجر المكان ,,,,,,,,,,,,,,,>>>> حتى صار الحزن يرتاد الزوايا اسمع اصواته صدى تبغي حنان ,,,,,,,,,,,,,,,,>>>>>بعد موته كن تبكيه الـمرايا الكلمة التاليه الأطلال |
كل الشكر للجميع
ماعاد باقي كود ذكرى للأطلال اللي على باقي غرامك شهودي الكلمة القادمة ((أمل)) |
عتدي أمل باللقاء لو طالت الغيبه
ياللي غيابك تعدى الحد وزياده الكلمه القادمه (اماني) |
هد الحصون اللي تقف دون الامال
.......... و اكسر نظام العرف و اعرف مكاني و اترك دموع العين لو دمعها سال ......... ما كــل دمـــعٍ تستصــــيغه امــاني كلمة ( الحظ ) |
امس الهوى مكنون والقلب جــوفه ### واليوم ماتخفيه من حرقتي اعـــــذار
واليوم انا همي ظهربي واشـــوفه ### واشوف حظي مع هبوب الهوى طار كلماتي الشوق |
.. أرهق الشوق جفني و محبوبي مادرى عني / \ / حقيقة لا يمكن أن أجآري الشعرآء لكني أحببت أن اشآرك فالموضوع أعجبني جدآ :) لكم كل الشكر / الكلمة لمن بعدي ( عيونك ) .. |
تكرم مدينه لخاطر عين
وانا ارخص الكون لعيونك الكلمة القادمه (سلامتك) شكراً لكل من مر هنا |
طفلٍ تعاقب ماارتكب ذنبٍ ولا عمره سرق يحلم ويطمح للأمان في ظل أمه مسلمه يؤسفني اني مالقيت راد بعد ردي ورديت مره ثانيه |
اقتباس:
مسلمه .. :) اقتباس:
أفا والله .. أبشر يابوسامي . والكلمه المطلوبه (سلامتك) سلامتك يامعرب الجد والساس ياعزوتي من بد كل الخلايق الكلمه المطلوبه ( خلف ) :r: :) |
تقووول الكلمه < خلف > !!! طيب استلم / خلف صديقي تحياااتي العطــرهـ تااصل مع كــريّـم يوصلـهااااا الكلمة المطلووووبه ,؛‘‘؛ يــدّرج ؛‘‘؛, |
^ ^ ^ الجاهل اللي يزعج الصوت ويغير على حمـام مصفيـات ببيـري والجاهل اللي يشعل النار وينيـر ويبدل الحصن الرمك بالحميـري والجاهل اللي يستعين بطوابيـر متجاهـل قـدرة إلـهٍ بصيـري والجاهل اللي باع دينـه دنانيـر يلقاه في يوم حسابـه عسيـري والجاهل يــدّرج الحـوم ويطيـر وياقع على الجيفات وقع خطيري بس اسفه مااعرف من الي كااتبهاا الكلمه المطلوبه {~ العهد ~} |
الجاهل يــدّرج الحـوم ويطيـر ..!
8 8 8 والجااهل اللي خاين العــهـد للغــيـر .. لا ماالقى له نااصحٍ له شــويري ..! الكلمة المطلووبه < الـعـقــل > |
^ ^ ^ ذو العقل يشقى في النعيم بعقله ,,وأخو الجهالة في الشقاوة ينعم ^ ^ الشدايد |
الشدايد مالها غير الشديد ** والهوان اغلب اوقات العفون
العفون :d |
^
^ ^ ^ كان تسمع مهند بالعفون ..... عزك الله عالم ماله دوى ياكلون ويشربون ويلعبون ..... مستواهم مع بهايمنا سوى الكلمه ربان |
،
، ، ، لاتعرضنا للهبايب وانت ربان السفينه وانت ربان السفينه لا تعرضنا للهبايب الشتاءيطرق ضلوعي وانت ماتقدرتدينه وانت خابركيف ضميتك من سموم اللهايب والخفوق اللي لجالك بعد عزه لاتهينه كيف ترضاله المذله من بعد ماجاك تايب وكان ناويلي المذله وانت ربان السفينه ثامن(ن)والله شموخي من بعد سبع العجايب للشاعر محمد جلوي الظفيري المطلوب (( هجر) |
هجر مثلك يالمقفى بدون اسباب يفيد القلوب اللى تمنى بس تغربلها هجرتك ثم بدلت الحضور اغياب وثيقه طردك من القلب يالمقفى وتقبلها مطلوب عن ( الوفى) |
من خان وده لاتعده وفا لك
لو هو يعرف الود ماخان وده ومن ذلك بفرقاه شيم وصالك واليا بلاك بصد بالك ترده خله يروح بطيب علمك وفالك مادمت ضايع بين هزله وجده (( الدم )) |
لو كان عندك دم ماكان صديت
_ _ _ الا اذا فالدم نوع تجاري مقيم ^ ^ ^ الكلمه (قنديل) |
اكتب قـنــاديــل واسمعني 00 احذف ألف وانطق الكلمه ! <- ايواا ؟ الكلمه المطلوبه ( جــايـز ) |
تحيه للجميع ولك يالغالي جايز الشمري جايز يجوز انحذف هالحرف ياجايز .......ونوجز الموجز اللى انجازلك جزنا الكلمه... ميناء |
على ميناء بحر حبك رست كل البواخر شوق
تحرالك ليامن جيت للميناء تناديني الطير |
ان كان تنشد يالهويدي عن الطير .....فالطير والله يالهويدى غدالي العيون |
بيض العيوون وخبز مع كوب شااهي 00 وجبه لذيذهـ وانت جرّب وذقهاااااا ! الكلمه : طـي |
اقتباس:
بالعافيه ياجايز طي حالى عقب مافارقت طي ......الكرم والجود منهم منبعه 7 7 7 الصيد |
من خصايص عنود الصيد كثر الطواري
وعادة الظبي يجفل لاتحرك ظلاله ( الغبينه ) |
انت لو بس تعرف منزلك في حشاي كان جازيت قلبي بحب ماهو بضغينه والصراحه لوقلتلك مدري وش خطاي بس قلبي مسامح ما يشيل الغبينه البعد |
الا ياصدر لك حنه ؛؛ وإلا ياعين دمعك دمع
وإلا ياقلبي اللي طاري البعد هستر به ( الجفاف ) |
طلو ع الشمس منا كل يومٍ .....سيهدي سدره الوادي الجفافُ الشِّعْر |
ياشعر لو ما انت عندي مثل الأسطوره
ما اتعبت نفسي ولا غنت بك الحاني ( الأسطوره ) |
الاسطوره اللى تميز رووز بسطوره .......يقبل لها الشعروراسه لها حاني .......وطن.... |
مرحبا بالحرف في حب الوطن مرحبا واغلى تراحيب القصيد يا بلاد في ذرى العليا سكن منبع للنور والمجد التليد ( الفااااارس ) |
الفارس اللي في الميادين مقدام &&& يسوى قبايل وفخرت به قبايــــــل
الفقـــــــــــــــــــــــر |
لولا الهرم والفقر والثالث الموت
يالأدمي بالكون ياكبر شانك ولولا الثلاث وشان من دبر القوت نفذت كل إللي يقوله لسانك ( الجمر ) |
واعذابي مااصعبه جمر الوداع &&& خص لا وادعت لك شخص ٍ عزيز
الدمووووع |
من ذلك بفرقاه شيم وصالك
واليا بلاك بصد بالك ترده خله يروح بطيب علمك وفالك مادمت ضايع بين هزله وجده وان عميت عيونك وطيفه قبالك حاول تغمض لا تراعي لقده ان جابته دنياه وإلا حكالك خل الدموع الصامته مستعده ( العفو ) |
| الساعة الآن 09:37PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية