مفتاح بيتك معك واليبت موجود = وغيرك معه مفتاح والبيت ديمه

وليا بغيت الدرب مانته بمردود = وهم معابرهم اتسكر جريمه

وانته من الانعام تردم لك اسدود = وهم فتات الخبز اكبر غنيمه

وانته تفاخر بالملذات وتزود = وهم يموت الطفل لاجل تعليمه

وتفجر بيان ولايضمنك احدود= وهم يموت الرجل ماجا حريمه !!

وانته لايامليت لبيتك تعود = ويعود واحدهم لرحمة غريمه

اليا متى وايامنا دايم سود = وننقاد فيها مثل قود البهيمه

واليا متى نشرب من الضيم جرعود = ونضحك على انفسنا بخطه عقيمه

ومتى يفك الاسر والحبل ممدود = ومتى تزول احزان بنت يتيمه

واليا متى والعار في وجة محمود = ونشوف نجس يغتصب لة كريمه

يامة الاسلام هاتولى ردود = الصمت ياحكام أكبر هزيمه

ويامة الاسلام في اجروحنا دود = معاد نعرف حزبنا من زعيمه !!