الشاعر القدير/ فرج الدهمشي
قصيده من افضل القصايد التى قرتها في بيت القصيد
ما اقول الا صح لسانك ودام بوحك

ياقلبي اللي بالهوى لاعبٍ دور=ياللّي على كأس المحبه أساسي
لو ينجرح بالحب والله معذور=وياليتني من عقب فرقاك ناسي
ذاك الحبيب اللّي جبينه من النور=حور ٍعيونه ذابلاة ٍ نعاسي
الشعر ليل ٍ بين الأمتان منثور=فائق على كل الجمال القياسي
كنت أحسب أني بعدها غارق أبحور=وأحس أني واقع ٍ في مآسي
وين أنت ياعطر ٍمن ورود وزهور=يادنيتي يا كل ربعي وناسي
مشتاق لك في حالة أحزان وسرور=وشوق الصحاري للمطر بالدماسي
ترى الأمر أمرك وأنا صرت مأمور=تروي شراييني تبلل يباسي
يانبضي اللّي كله أحساس وشعور=ياليلة الشعار بأحلا الأماسي
ياأجزل قصيده قلتها بأجمل الحور= وأروع قصيده قلتها من حماسي
بيت الغزل برومشها ماخذ ٍ دور=هي ملهمة شعر الغزل من أساسي
لك شاعر ٍ ماحط بأبياته كسور=مثل الجبل يبقى مع الوقت راسي

الغالي

الشاعر
فرج الدهمشي

تقبل تحياتي