|
العنود الشيباني هذه القصيده الرائعه الرائعه الرائعه من كلماتك
يا ليت نعرف ما سر هذا الحزن الدفين داخلك؟؟؟ تندثر كل الأمانـي فـي تناهيـد الظـروف وينتهي نبض المعاني في ملامـح غربتـي ينتهي احساس الأمان ويعتريني كل خـوف وتنتثر أوهام فكري مع دروبـي وخطوتـي افترقنـا والعبايـر ماتكفكفهـا الكـفـوف ترتوي منها صحاري ترتمـي فـي وجنتـي وانتظم فيني عذابه كنّهْ مرصوص ف رفوف يسكن اضلوعي وقلبي نـاره زادت لوعتـي آهِ ياقلبـي غدينـا للحـزن مثـل الكهـوف ويتّضح قولي ياقلبي فـي امتلاكـا لدنيتـي آهِ ياليت الحزنِ في داخلي مثـل الضيـوف استضيفه يوم عنـدي ثـم أمسـح دمعتـي الأنيـن بنبرتـي ياليتـه بحالـي يــروف ويتّضح جرمـه بعينـي وابتسامـة شفتـي آهِ من دنيا بوجهي دايم(ن) تشهـر سيـوف ترسّي آحزان الخلايق في مراسـي قصتـي آهِ يادنيا ماعـاد أقـوى مواجعهـا وقـوف من كثر حزني بقلبي من همومـي وكربتـي ليه موتي مايجيني00ليه ماهو لي عطـوف كانِ يرحمني من همومي00عذابي00ضيقيتي آهِ ياليته يجيني 00 بحالتي عينـه تشـوف كانِ ياخذ منّي روحـي والقبـر لـه جثّتـي |
متي كانت بدايتك في الشعر؟ اذا كان قصدك متى بديت احبه فمن يوم كنت صغيره كان ابوي وأمي يحفظوني قصايد خلف بن هذال وغيره من الشعراء أما متى كتبت الشعر فكتبته وانا عمري 16 ما هي القصيده القريبه الي قلبك من قصائدك ويا ليت تحطينها لنا المرثيه وان شاءالله احطها لكم قريب لأنها طويله ومافيني حيل اكتبها الحين بس أوعدك بعد كم يوم اكتبها هنا للمعلوميه انا كنيتها وانا في حاله حزن شديده جدا جدا وكانت بعد وفاة الوالد بأسبوع هل عرف قلبك الحب؟ لأ اقوي صدمه تلقيتيها في حياتك؟ وفاة الوالد الله يرحمه من اول شخص اول ما تجين المنتدي تبحثين عن اسمه تشوفينه موجود او لا؟ وربي اتفقّد مين غايب لأن الكل عزيز وغالي ما مدي علاقتك في امك؟ اكثر من اصدقاء |
تسلمين العنود لسعة صدرك والله يجعل مثواه الجنه
والله يخليلك امك ويعطيها طولة العمر وواضح علاقتك فيها من ابياتك الرائعه الجميله اللي كلها احساس يايُمه يافـرح عمـري وهنايـا أموت ولا انظر عيونك حزينـه يااغلى الكون ياشمس البرايـا يااحلى دنيتي واصـدق امينـه اقدّم لك حياتـي مـع رضايـا ياشمعة عمري وبهجت سنينـه والمرثيه قصيده رااائعه وابكتني واتمني تنزلينها بموضوع خاص لها لانها تستحق ان يقراها الكل ولك قصائد جميله ورائعه جدا مثل رحال وقصتي اللي نزلتها انا وشمس البرايا تسلميييييين العنود ولي عوده |
أخوي صمتي جرحني قصيدة قصتي هي ترجمه صادقه لحياتي بعد وفاة الوالد وللمعلوميه كل قصايدي تحكي شي من حياتي |
هل هنالك أسئله أخرى؟؟ أم اكتفيتوا بهذا القدر |
ماهو الطبق المفضل لديك ؟
ماهو اصعب شي لديك ؟ هل تحكمين على الناس بسرعه ؟ كلمة اخيرة الله يرحم والديك ويغفر له ويدخله الجنه وجميع المسلمين يارب |
الله يسعدك ويوفقك ويرحم ابوك ويجعل قبره روضة من رياض الجنه
ويخليك لامك واخوانك انا ماعندي الا سؤال واحد انت وش تخصصك بالجامعه نظم معلومات ادارة اعمال والا نظم معلومات بكلية علوم الحاسب لالا باقي سؤال انتي ماشاء الله تصحين وتنومين بالمنتدى وش هالسر العجيب انا ماحسدتك بس ماشاء الله دايما القاك بالمنتدى الله يوفقك |
يفوق الوصف ماهو الطبق المفضل لديك ؟ والله يايفوق كل شي طعمه حلو أحبه ماهو اصعب شي لديك ؟ اني اخوض تحدي وفيه احتمال كبير اني اخسره فأحاول وأستميت في كسب التحدي لدرجة اني بعض الاحيان أمرض من كثر الارهاق والتفكير فالصعوبه في كيفية كسب التحدي وهل هو صح ام خطا بس شسوي طبيعتي عنيده ومااحب احد يتحداني:MCPE2752: هل تحكمين على الناس بسرعه ؟ لأ أحسن ظني فيهم الين مايثبتون صحة ظني او العكس كلمه اخيره الله يسعدك ويوفقك ويخليك لأهلك يارب |
الله يسعدك ويخليك يارب وش تخصصك بالجامعه نظم معلومات ادارة اعمال والا نظم معلومات بكلية علوم الحاسب لا ذا ولا ذا انا كان نفسي ادرس طب بس خساره امي رفضت كان نفسي في نظم معلومات إدارة اعمال بس ماهو موجود بجامعة أم القرى وأمي تخاف علي من الحوادث لو درسة بجامعة الملك عبدالعزيز انا قسمي علم المعلومات 70% من المواد التخصص عن البرمجه والتصميم وتطوير المواقع والإداره والباقي مواد عامه وانجليزي اتمنى جاوبت الجواب اللي يرضيك اما بالنسبه لسؤالك الثاني انتي ماشاء الله تصحين وتنومين بالمنتدى وش هالسر العجيب انا ماحسدتك بس ماشاء الله دايما القاك بالمنتدى السر اني احب المنتدى ولأن نومي قليل هالايام شموخي شكلك تبي تفتك من وجودي خلاص ولا يهمك انا بغيب اسبوع وإلا تبيني اغيب اكثر هههههههههههههههههههههههه شكرا لك اخوي |
اقتباس:
ماتروح دوام ماتروح تطلع من البيت زيارات اقارب اوتتمشى اسف على هالكلام بس الموضوع المطروح يمكن خلاني اكون صريح زيادة عن اللزوم واسف على اسلوبي الحقيقه انتي من انشط اعضاء المنتدى ومواضيعك روعه لا المنقوله ولا الخاصه فيك الله يسعدك ويوفقك |
| الساعة الآن 03:32AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية