دهري كتبني غصب عني بحرفين = الحا مع البا حب كل القصيده
جاني على حيني وانا جيت هلحين = يا شينها الأحيان دايم بعيده
جيتك أبغمض نبضك بداخل العين = واكتب بموقي فوق صدرك فريده
قلت أختصر واكتب من الحب بيتين = لكن مزايا الحب عندي عديده
شعري تكسر والصدر صار سطرين = والنفس طابت والسواني مديده
مطرت لك من موق عيني عنا البين = قضت دموعي والمعاني وليده
ما عاد عندي سين يا زين أو شين = تكفين كفي عن غرام المكيده

ركنت موضوع الزمن والمصايب=على اليمين وانت لله درك
تقطف من ازهور المعاني عجايب=متميزن عسى الأسى مايمرك

ونة شعر تعود من بعد ترحال =لها على الأضلاع أنغام وشجون
لله در الشعر لو يشرح الحال = والله ما يكفي أحاسيسه الكون
أستجدي الصفحة ولي دمع همـال =من كثرة الأشواق ما تغمض عيون