ديرتي دار المراجل حيها ديره=مزبن اللي حده الوقت عن داره
نحمد اللي مالنا واحد غيره=عزنا يوم المخاليق محتاره

رهمــت لك بـدي الغلا فوق مااطيــق=من شــان تعـرف في خفـوقك عذابــي
مانـي على المقفيــن شفق التلاحيق=لاشك دونـك مايبيــــن صوابي

يبرى صويب الجرح لو بعد مده=مير البلا لاصرت من الهجر منصاب
بسباب خلآ غايب اليوم وده=متولعآ قلبي بحبه ولا تاب

عواد

ياليت ما كنت شاعر ينضم و يقراء=و ليت جرحي برى من قبل تكويني
عزاه للي سرى بليلةٍ قمراء=فيها لذيذ النوم ما عاد يطريني
سريتها لين طاب بليلي المسراء=أمشي اعد خطاي بهم مافيني
أدميت رجلي بشوك و لا ظنتي يبراء=خبري يزيل الجرح لو كان يدميني

نيتي يوم اكتب الشعر واطروقه =بطفّي اللي داخل الروح حراقه
واهمي اللي يتل القلب بعروقه=اليا طرالي يضيق الصدر بخلاقه

قهرت الورد من لمسك غدا في راحتك خجلان = وصار أحمر من خدودك وفاح بخافي الأسرار
وساحت حمرة خدود الخجل من ريبة الأوجان = تبي تكتب على الورده عذر لو تنفع الأعذار
عتب بين الزهر والخد أحد راضي و أحد زعلان = ولا ادري مين أصالح خد أحمر أو زهر محتار
وفي الأخر نويت أسكت وأتر ك معمعة ألوان = عجزت أفهم معانيها عجزت أنطق عجزت أختار

دهرن غريب وفيه صرنا غريبين=كيف العضيد اليوم يترك عضيده
ابي اعترف انا غدينا رديين=في وقتنا حتى المشاعر بليده
ياسنيننا قولي لنا ماتقولين=حنا نهاية محتمين العقيده