من عيونٍ تحبـس الدمـع لعيـونٍ تشـوف = احضنينـي حـب ولا استبيحـي عبرتـي
ومن كلامٍ يوجع الصدر ازريـت الوقـوف = اجلسـي يمكـن يخـف الكـلام بجلستـي
كن صدري مجلس رجال وجروحي ضيوف = اطلبـو منـي سماحـك وعيـت عـزتـي
والله اني من رجالٍ وطو رمـل الحتـوف = لكن اني همـت واخلفـت ساقـة عزوتـي

أسمع صدى صوتك حزين ومشتاق=وأحس عكس اللي سمعته وشفته!!
مرات أحسك لي حنون" وعشّاق=ومرات كل اللي أحسه ..هدمته!!!
ياسيدي هونك ترى القلب خفّاق=يرجي وصالك لو فنى كل وقته
كسر القلوب أعظم من كسور بالساق=يبطي كسير القلب مهما جبرته
بعدك وربي ماعتقد صعب ينطاق=وشلون ابقدر وانت قلبي ملكته
غيرك بعيني يالغضي مااعتقد لاق=وانت الهوى يالشوق لاجلك وهبته
حبك نبع من داخل اعماق الاعماق=واظن ما بالقلب بان وعرفته
كلش يهون الا أذا قلت لي افراق=والله لا أمسح كل حرف كتبته
لو قد عرفت اشلون هي حر الأشوق=كان أنتهى قلبك من اللي وصفته
حسبك.. حسيب الخلق معطي ورازّق=يبلاك حب اللي صنع ماصنعته
بقلم=عاشق سراب