|
أقولك شي؟! ؟! ترى مالي من حروفي حكايه لو حملّ شَعره قصيدي هو خيالاتي أعيش بداخله حُره ويتقلب على فكري فِـ /حزة نوم كالجمرة يوقظني فـِ تالي الليل !يناديني واغز أبره وكأني أنسج خيوطٍ وامشّط للشعر غُرّه ازينها عروسة قاف والبّسها البحر سهره فديت الوزن لعيوني يخاف وتوزنه نظره إذا طالعت بحروفي من الهيبه تجي فكره وتتهادى أميرة بوح تجيب الزين وتسرّه يفوح الشعر من كفي وينثر للغلا عطره ; ) |
يتيم الحلم من غرد
على كتف الأمل فيني يتيم الجرح والإحساس والفقد ودمع عيني يتيمة كلمتي هذي ويتيم إحساس ماليني يسليني يسليني ويلعب في شرايين الأمل فيني ويغريني بضحكاته بهمساته بزننننه لا صرخ " ماما ياماما" ويننا بنام يلا يمه خلنا نام ورانا صحوة من بدري عشان نحقق الأحلام ونصير أحلى من البارح ونتعلم من اللي جاي موهذا كلامك لي ويتبسم وفرحي في السما يرسم وأطير بهالمشاعر فوووووووووووق وأتخيلني ماأحلم وأقول الله الله يايمه عساه يطول بعمري وأشوفك ضي يافجري وجهك نور ووضابط حتى لو دكتور آبشوفك وأملى بشوفتك عيني وأشوفك فالملا ناسي وفيك من الشبه لي شي لا موشي كثير تشابه عيوني وبسمات الفرح فيني وفيك كثييييييير من لوني أحبك حيل يا وليدي يا عيد الغلا وعيدي أحبك كثر هالعالم وكثر ماحلمي بك ظالم يراودني ويرجع ثاني يتركني ويربكني ويربك بي مشاعر حيل مخنوقة تبي همس الأمل طوقه لجل فيها تغيث الفرح من علوم الفقد والجرح يتيم الحلم من غرد على كتف الأمل فيني يتيم الجرح والإحساس والفقد ودمع عيني |
قلوبٍ تسلب أفراحك وجمرات الألم تسقيك
وبعض قلوب تنثرلك رضا وأشياء مجنونة تخلي دنيتك بيضا وتسقيك الفرح ترويك تغني و ضحكتك تعلى ولاتعقد لها النونة : ) عيد سعيد |
ألا ياصوتي المبحوح
ياعمري اللي صبر مجروح ألا يا دنيتي البيضا تغيظ الحزن وتغيظه بضحكات الفجر والروح ألا /ياصوتي المبحوح بغني والبشر تسمع وقلبي من الألم يدمع ألا يا فرحي المكبوت تناديني ؟! تناديني؟! أنا في داخل التابوت واسمي في القبر منحوت يرد الصوت أنا فرحٍ في حضن الموت ألا يا صوتي المكبوت "صباحكم روح مبتسمة" http://www.facebook.com/3uoonalfajer |
: )
إذا طال الغياب اذكروني بابتسامة فأنا أحبكم |
تمنت طفلةٍ فيني تحقق من أملها شي! وغاب العمر و سنيني ومات النبض رغمه حي! حكاية تكسر الخاطر وعتمة ماتعرف الضي | أنا ضوء يخاف العتمة| |
أسولف لك عن جروحٍ بدت في داخلي تكبر وأنا أصغر وكل الحزن بي يظهر طفت شمعات احساسي وزهمتك ياغلى ناسي ترى فيني من الاحزان مايوجع ويكفيني تعال ولملم ضلوعي واضوي بحبك شموعي تعال وكفكفه همي ابيك ابوي انا وامي تعال وغن لي بصوتك رجيتك ماأبي سكوتك أبيك تداعبه حزني لجل أنسى جروحٍ داخلي ترسى أسولف لك عن جروحٍ بدت في داخلي تكبر وأنا أصغر وكل الحزن بي يظهر |
جيتك اتمنى حنانك ماطلبتك قسوتك غلطته احساسي صانك وانت لاهي بدنيتك لاتبرر لي امتهانك في ضلوعٍ لمتك اعترف عطر لسانك مافي مثلي حبتك |
تمر سنين واحساسي يأكد لي العنا والياس
وأبقى في ضجيج الأمس عيونٍ حيل شقيانة أدورني فـ / سطر عابر قريته فآخر الكراس يسولف بالكذب عني وكاني فيه فرحانة أنا مالوم هالدنيا ولا أحمل خطاي الناس خطاي أشيله لحالي لو ان الروح تعبانة |
ماسألت الشمس عن نور الصباح ـــــــــــ يوم غاب وماتبنى عتمتي قلت راح وين مدري بس راح ـــــــــــ وابتدى خوفي وغابت بسمتي خاطري مكسور يادنيا الجراح ـــــــــــ اشهد ان الفقد جرهد جنتي انذبح حلمٍ رسمته في البراح ـــــــــــ انخنق من ضيق حظي وقسمتي نجم احساسي ضواني ثم طاح ـــــــــــ وانعمى ساس المحبة ودنيتي وين أروح وذكره في بالي وشاح ـــــــــــ صورته دايم تنادي عبرتي لانظرت لبسمته هالشوق صاح ـــــــــــ وابتسم ثغري وعادت فرحتي العقل يصرخ وقلبي في ارتياح ـــــــــــ وين أصالح خافقي مع حكمتي امتداح العقل مايعني صلاح ـــــــــــواعتراض الفكر خربط حسبتي في تفاصيل الهدايا اجتياح ـــــــــــ بي تمكن من شعوري في غربتي |
| الساعة الآن 04:54PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية