جل منشي الخيال اللي سحابه سديد=بامره الصيف سبحانه قفاه البراد
باسمه ابدامعاني جابتي والقصيد=يتباهن بسلمان البيوت الجداد
يوم سبعه اثنين الاربعاء بتحديد=يوم عيدن نعده ثالثن للعياد
المطارافتتاحه عندنايوم عيد=عيدوبه جميع الناس حضرن وباد
صرح النايب الثاني بالاسم الجديد=اشهدان سيدي سلطان بالاسم اجاد
يوم سماه باسم اميرناوالعميد=ذخرمن وحدت باسمه حدودالبلاد
ياعسى سيدي سلمان عمره مديد=من عليه الحضاره سيست باعتماد
من يمينه يمدالخيرمدن ارغيد=مديمناه مثل السيل يملاالحماد
مرخصن ماله لشعبه ودم الوريد=كل ماقول والله في سموه وكاد
طاعة الله حساهاللاواخررصيد=يشهدون بكلامي له جميع العباد
العروبه بسلمان المواقف تشيد=لوحصى المسجدالاقصى نطق فيه اشاد
له يدينن عوايدهاالمراجل تصيد=صيرمين يعوث الجول وقت الهداد
بالشجاعه له ايدينن تقص الحديد=هوعمى عين من قلبه بوسطه سواد
منه تنزف اجروح اعداه دم وصديد=العدامن فعوله للمهالك اتقاد
جعل يفداسموه من مشى بالنقيد=والبخيل الذليل اللي جداه الرقاد
وجعل يفداسموه كل رجلن قريد=من تطبع على درب القشر والعناد
والختام الصلاة اعداد مارسل بريد=اوعدد ماطعم السانن شرابن وزاد
على رسولن بعثه الله بعلمن وكيد=حارب الكفروادى واجبه بالجهاد
النبي المخلدبالجنان اتخليد=صفوخلق الله اللي للمخاليق ساد