شبكة رهب الأدبية-ريما محمد السديري

http://www.r15r.com/data/media/108/nnnesss%20(18).jpg

ابسالك يا غاية الشوق قلي
وش حيلة الي لوعته التواديع

اما صفى جوي معك وانت خلي
وش عاد لي فالناس شف ومطاميع

يكفي كذا ماصار منك وحصلي
مالك ومال مبيحات المداميع

ماجيت ابي من شربة المي ملي
ابي ترويني قراح الينابيع

ولا جيت ابي زود على الغل غلي
لا يبعد من يلبسن الدراريع

سجلت انا اسمك بالذهب في سجلي
وحلفت ماشري بسوق غيرك ولا ابيع

جيتك وانا كلي وله بك واهلي
اما تجي والا بلاش التلاويع

الوقت ماهو دايم منتصفلي
ودنياي ماجتني تراها تطاويع

لو هي صفت لي ساعة ما وقفتلي
وان ادبرت ياحبها للتصافيع

تعال شفني واقفِ في محلي
خذني من قفار الولع للمرابيع

اما تجي كلك وانا اجيك كلي
والا ترا مانيب احب التقاطيع

والله وبيت بناه الله ملطووووش

ياعمري