عاشق .. هايم .. ولهان
السلام عليكم ورحمة الله وبركاته اشكر كل من زار متصفحي الاول وهأنا اليوم اعود اليكم بهذا الحضور الذي اتمنى ان يروق لكم وينال استحسانكم :
لعيونه الثنتين ولا علـى شـان=حبه وعشقه والغـلا بالاضافـه اجيه لو انه سكـن ويـن ماكـان=من زود عشقه ماحسبت المسافه مادام حبـه دم والقلـب شريـان=امشي ولاني قايلن .. ياحسافـه ومادامني عاشق وهايم وولهـان=لاهي مخاسيري ولاهـي كلافـه متربع ٍ بالقلب والقلب ديـوان=يجلس بصدر البيـت ولاضفافـه اليا بغيت اقول واعطيـه عنـوان=رمز الحلا .. رمز العطا واللطافه يعني على ماقيل مجموعة انسان=عقل وثقل تجمعت فـي شفافـه اغلى من الما بس بعيون عطشان=يعني بدونـه ذاق قلبـي جفافـه تشتاق له روحي وقلبي والاعيان=بالمختصر قالت ابـد.. مانعافـه مقفل ٍ عن عاذلي كـل بيبـان=ولا لهم عندي نوافذ لقافـه غلاه في قلبي ترى فوق الامكان=أول ولاغيـره يجـي بالوصافـه واليا دخله الشك .. دخلت برهان=شوفوا قصيدي فيه ماشاب قافـه وسلامتكم |
يسعدني ويشرفني ان ااكون اول من ردا على هذه القصيدة الجميله
مثقله بالمفردات والمشاعر الرائعه الله يهنيه اللي كاتب فيه القصيده ولا يفرقون بينكم اي عذال <<< قل آمييييييين |
الغالي الشاعر احساس شاعر يسعدك كما اسعدتني على هذه الشامخه قصيده غزليه جميله وتحمل بطياتها مفردات ومعاني وسبك شعري متكامله لله درك رائعه وصح لسانك وعلا شانك تحياتي |
صح لسانك احساس شاعر وإن شاء الله لن يشيب قافك ونرى إبداعك لك شكري وتقديري |
النداء الأسير
اشكرك على روعة مرورك وجمال حروفك هنا امين دمت بخير |
الرائع
سفير المعاني مرورك هنا اسعدني واعتز به صح بدنك |
محمد القباني
صح بدنك اشكرك على مرورك الغالي دمت بخير |
الساعة الآن 02:21AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية