|
هذه اربع قصائد اقدمها لكم
السلام عليكم ورحمة اخواني واخواتي الكرام اضع اربع قصائد لكم كمصافحه ثانيه و أرجو أن تحوزعلى رضاكم (قصيدة ياهيه) ياهيه ياللي تذمون الشعر فيني= اقروا لشعري وبعده هاتوا اقرار ياناس شعري من الافكارلافيني= ماهو تصنع ولا لعب(ن) بالاوتار الشعر بلسم على جرحي و شافيني= وما عاد باقي بعمري كثر ما صار وباللحن وزني وللمعنى موازيني = من مصنع(ن) مايضم لهزل الاشعار اكتب بحرفي عن الوعاظ كافيني= ما احتاج واعظ بفكره غير افكار الوعي نافع وربي فيه مغنيني= واشكر لربي بعقلي ما بعد طار املك لنفسي ولو ضاعت ملاييني= وما كل جاهل يعرف الوقت دوار ان عاش راسي ورب العز محييني = لاكتب وصايا تفيد صغار وكبار ياسعود عجل بحكمك يانظر عيني= وناد اريش العين تكتب حكمها اسطار هي ملهمه بالنقد والحق تكويني= وانته مخضرم فهيم بزين الامهار (قصيدة عشت) عشت وتناما بالصغر لي سؤالي =واليوم اشوف اجابته بالسليقه يومين مرت لي وانا مع خيالي = من ثالث ايامي خيالي حقيقه ممشاي مع فكري وجنبه امالي= وما عفت من فكر(ن) اجنب طريقه انصح لنفسي مع جميع الاهالي= نسلك طريق(ن) فاهمينن مضيقه ونطلع بالاخلاق الحميده علالي= وكل(ن) يبين بالمجالس عقيقه ما سرنا بالسوق نشريه غالي=واللي تبيه النفس ما احد(ن) يعيقه مابين ربعك والاهل والغوالي = خلك بالاول مع صفوف(ن) سبيقه قل ماتبي له بالمدارك شمالي= والتبر معروف(ن) ولومن بريقه حققت مقسومي بالاول وتالي= والناس تشهد ما احرقتني حريقه قلته وانا قانع وربي عطا لي= عقل(ن) يميز بالمدارك عميقه (قصيدة الصبر) صبرت صبر(ن) فاق صبر(ن) لايوب= والصبر مل وقال دور بديلي قلت اه ياصبر العنا ويش مطلوب= قال العتق لا حد(ن) بدالك هزيلي قلت السبب والسيف بيديك مقضوب= اعرف عيوبي واعتقك بتحليلي قال العيوب الخافيه مابك عيوب= ما شفت ظاهر والسراير حصيلي الخصم يبلاك و يرطب على الثوب= وضعك محصن بالفعل ياعميلي قلت ابشر بعتقك والا ناب منهوب= افهم بنفسي والصعب ينحنيلي خذ صك عتقك ماتناسب لمهيوب = مانته على قدر المصاعب زميلي وتلقى لغيري ما يفيدك ومعيوب= يشكيك من غيضه على كل جيلي (امري لربي) امري لربي وامر ربي علي دين =ورد الوفا ربح(ن) على من يرده اخاطب اللي يفهم الزين والشين= والا مريض العقل ياقف وحده وش فهمه باللي يدير الموازين= ما كل ثوب(ن) فوق جسم(ن) بقده ما كل من ساروا عليها نصيحين= كم واحد(ن) فيهم رقع فوق خده وما كل من قالوا فهمنا فهيمين = الفهم مقرون(ن) بفهم(ن) لضده يا واعيين العقل حثوا على الزين= ومن يفعل المعروف يلقى مرده يا معانقين النجم من وين الى وين = وقت الرخاء مقلوب للناس شده لدو على ناس(ن) ضعاف ومساكين = اتعبهم الفقر وخشانة مخده ما ضاع طيب (ن)عند ناس(ن) لبيبين= والا ردي الفعل ماحد(ن) يوده تحياتي للجميع [/quote] |
إعجاب
بالفعل إبداااااع وصح لسانك يالشاعر سفير المعاني شاعر متمكن من صياغة الجمل والمفردات التي تفهم وتدخل القلب سوياً ... لك تحياتي ( نجد الضاوي ) |
الله الله
يعطيك العافيه عساك على القوه لك احترامي |
اقتباس:
شكرا لك ابنتي الكريمه نجد على حضورك ومداخلتك اللتي ادخلت السرور لنفسي لاعدمتك تحياتيء |
اقتباس:
شكرا لك من الاعماق على المرور والمداخله ويكفي تواجدك بمتصفحي تحياتي |
سفير المعاني صح لساااااااااانك على هالإبداااع يعطيك الف عافية لك فائق التحايا |
سفير المعاني
صح احساااااسك ولسانك قصائد رائعه وجزله يعطيك العافية يااارب سلمت لنا وتواجدك معنا ننتظر جديدك وتميزك تقبل مروري وتحياتي |
سفير المعاني
تجربه تحمل الكثير من المعاني والصور الشعريه الرائعه عشت وتناما بالصغر لي سؤالـي واليوم اشوف اجابتـه بالسليقـه يومين مرت لي وانا مـع خيالـي ومن ثالث ايامي وخيالي حقيقـه الله الله روعه اعجبني كثيرا كما أسلفت تجربه تستحق الاحتفاء وانت شاعر جدير بالاحترام من باب الدين النصيحه .. لي ملاحظه صغيره ارجو أن لا تزعجك... ياليت يكمتل الجمال بأستقامة الوزن فى بعض البيوت احترامي وتقديري لشخصك الكريم . |
اقتباس:
الاخت الكريمه الامل البعيد صح بدنك واشكرك من الاعماق على الحضور الغالي وما اقول الا الله يوفقك للخير تحياتي |
اقتباس:
الغالي يفوق الوصف كم انا سعيد بحضورك ومداخلتك الغاليه وكلماتك النقيه واشكرك من الاعماق على كل كلمة كتبتها لاعدمتك تحياتي |
| الساعة الآن 10:28PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية