|
فقيرة
اهداء الى تلك الفقيرة التي تمنيت ان تشاطرني
رغيف الخبز وجرعة الماء الى من ملكت العزة والشموخ رغم الفقر والقله اليها مع التحية........ نعم يا عنفوااان الماء وياعزة صهيل الخيل =عطيني الفاااس ابمسكهااا الين تعرق ايديني ابحفر وازرع بصدر الثرا نورٍ ينير الليـل =واذا ماطاوعـت يـدي ابقطعهـا بسكينـي اذا كان الفقر مثلك هلابه وأعشقه بالحيـل =اذا كنتي معي جنبي رغيفة خبـز تكفينـي فلاعاب الفقر قبلـي نبـيٍ كلمـه جبريـل =رعى فيها الغنم والله اصطفاااه يعلم الديني ولا عاب الفقر هاجر وطفلٍ يبكي من الويل =دعت يالله نبي عطفك أنا والطفـل تسقينـي وثار الماء تحت رجله لبدواان تجي وتشيل =سقااه الله وغاث أمه وبدل عسرهـم لينـي واذا كان البنات اقفن زمان بمترف التدليل =اذا قالن فقيرة حااال قولي وش لكـن فينـي اذا كان اللبس منكن تحكمه معطيات الجيل =أنا لبسي من أنواع الزهر أحلـى فساتينـي واذا كان العطر منكن دخل في عالم التحليل =أنا عطري سمن بري وورده منـي وفينـي واذا كان الفكر منكن غزااه محرف الأنجيل =أنا فكري ومبداااي ومعـي قـرآن يحمينـي نعم ياالغااااالية قولي وقولك ما يبي تعليل =عرق جبين ماجف اعتبره اكبـر براهينـي ياحلو اللقمة المره عرقها بالجبين يسيـل =تجي مثل العسل واحلى تعبها مـا يعنينـي اطارد لقمة العيش كفااح من الفجر لليـل =واجي والخير في يدي وريح الخير تحيينـي اشاطرك الفرح واذبح زمانٍ بادرك بالميل =واحط ايديني بيـدك اليـن تعـرق ايدينـي |
واذا كان العطر منكن دخل في عالم التحليل
أنا عطري سمن بري وورده منـي وفينـي جميل جميل جميل جدا .. بصراحة أبيات ممتعة وشاعر جميل ... صح لسانك |
مااجمل كلماتك نومان سحل هنا هو الاحساس الراقي وهنا الابداع الجميل جميل ماخطه قلمك أخذت نفس عميق وانا أقرأ هذه الكلمات وأحسست بروعتها وصدق معانيها فى هذه المعزوفة الرائعة دمت برقى قلمك ولك أرق التحايا لك مودتي وعدك متى |
اذا كان الفقر مثلك هلابه وأعشقه بالحيـل اذا كنتي معي جنبي رغيفة خبـز تكفينـي ياسلاااااااااام عليك نومان سحل نص عانق السحاب ابدااااااااااااااااع صح كلك يالذيب كل الود |
وثار الماء تحت رجله لبدواان تجي وتشيل سقااه الله وغاث أمه وبدل عسرهـم لينـي واذا كان البنات اقفن زمان بمترف التدليـل اذا قالن فقيرة حااال قولي وش لكن فينـي اذا كان اللبس منكن تحكمه معطيات الجيل أنا لبسي من أنواع الزهر أحلـى فساتينـي واذا كان العطر منكن دخل في عالم التحليل أنا عطري سمن بري وورده منـي وفينـي واذا كان الفكر منكن غزااه محرف الأنجيـل أنا فكري ومبداااي ومعي قـرآن يحمينـي صح احساسك ولسانك نومان سحل قصيده قمه بالجمال لروح العذوبه فيها ابداع منك كل الشكروالتقدير ننتظرالمزيد بشوق دمت بحفظ المولى |
صح فكرك إيها الشاعر جميل ماقرأته هنا ولاهنت , , , |
الغالي
ابوخالد صح السانك تقبل مروري |
اقتباس:
مسجون في دفتر الجميل هو حضورك صح بدنك دمت بخير وعذرا للتأخير |
اقتباس:
الجميل هو حضورك الراقي توجتيني بنبلك وكرمك دمتي بخير |
اقتباس:
حضور جميل اعتز به واحرص على تواجده دمت بخير |
| الساعة الآن 09:32PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية