من اول واحد يبي يكون شجاع ويكتب اعتذاره
السلام عليكم ورحمة الله وبركاته
مراحب ياحلوين شحالكم وشخباااركم عساااكم بخير أبقولكم شيء أفكر فيه دائما وهو إذا فيه أحد من اللي حولك جرحته في لسانك يعني قلت له كلمه تجرحه أو تصرفت معه تصرف يزعله منك (قريب أو صديق أو من الاهل المقربين أو الزملاء أو حتى الاعضاء في المنتدى) مافيه إنسان كامل لآن الكمال لله وحده وكل إنسان خطأ خير الخطائين التوابين يعني يصير ضميرك حي ويبدى يسوي حركات تخليك تحسف على اللي سويته وتندم وتقول ليتني ما سويت كذا,,,,ويالله من القهر اللي يحس فيه الواحد أنا عني شخصيا أحيانا ما أقدر أنام من القهر لين على الاقل أرسل لو مسج فيه إعتذار عن تصرفي مع إني والله قليلا ما يطول أحد مني أذى لكن خوفي من تغير مشاعر الناس اللي أحبهم دائما أرسل تسامح وإعتذار لكل من لحقه مني أي أذى وأنا اليوم أبي كل واحد منكم يكتب إعتذاره للشخص اللي أساء له في يوم من الايام أيا كان هذا الشخص وأتمنى منكم إن إعتذاركم يكون صادق وقصدك إصلاح اللي بينكم وعلشان تصير قدوه لغيرك من الاعضاء فمااجمل الاعتذار فهو اجمل وانبل كلمه قد تقال في مثل هذه المواقف فكلمه بسيطه قد تمسح بها بغضاء حطت في القلوب وكره تورد في النفوس وتحوله لحب ونقاء وسرور قال تعالى{إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ }الحجرات10 قال رسول الله صلى الله عليه وسلم (لا تقاطعوا ، ولا تدابروا ، ولا تباغضوا ، ولا تحاسدوا . وكونوا إخوانا . كما أمركم الله ) صحيح مسلم 0000000000000000000000000000 والحين من أول واحد يبي يكون شجاع ويكتب إعتذار ه تحياااتي منسييت اورااق |
هلا اختي .منسييت اوراق. مشكوره مشكوره وااااااايد على هذا الموضوع الرائع.. الصراحة عجبني موضوعج...وهو أكيد شي مهم في حياتنا وعلاقاتنا مع الناس صح؟ وصدقج يوم قلتي انج اتحسين بالقهر لما اتكوني مزعله حد..ولازم تعتذر... بس للأسف في ناس يزعلون على أسباب تافه...اتخليني أكره الإعتذار لهم واتخليني أصيح وأنقهر.. ... المهم شكراً على موضوعج الحلوو... وتقبلي مني ألطف و أحلى التحايا... شوووق الامارات |
ابي اعتذر اخاف مخطي وناسي=ترى الصراحه راحة النفس ياناس لو نتعرض نوب لبعض المئاسي=نوبٍ من العبرات تضيق النفاس الله خلق حنون والعكس قاسي=ناسٍ تحس وناسٍ بلا حساس الف شكر موضوع ممتاز جدآ لك اجمل تحياتي تقبلي مروري اختي العزيزه |
يعطيكي العافيه يارب
بالفعل اختيار رائع للمبادره عن التسامح وكما قال تعالى{إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ }الحجرات10 صدق الله العظيم اللهم لا تاخذني ان نسينا او اخطأنى وعفو عنا وغفر لنا انك علي كل شي قدير اللهم امين وعتذر لكل زلت لسان ولك خطئ ارتكبته بحق اي مخلوق او جماد علي وجه الارض كل التقدير والاحترام مشكوره |
موضوع قمة الرقي برقي صاحبته انا اعتذر لكل من اسأت له في هذا المنتدى من كبير وصغير لان في ناس فهموني خطأ وانا اعذرهم ويعلم الله ماكان قصدي ان اجرح احدا ابدا ... كل قصدي ان يبتعدوا عن المنكر ومايفسد الاخلاق لاني احب لهم الخير والحمد لله هناك مساحات واسعه في الخير لماذا نأتي بالشر ونجره لابناء المسلمين . ومن نعم الله ان الله اكرمنا باقلام تقطر منها مكارم الاخلاق وفنون الحياة في هذا المنتدى . الخلاصة انا اعتذر ومازلت اعتذر اذا اخطأت |
هلا وغلا
يعطيكم العافيه على المرور جميعا وجعل كل ايامكم تسامح في تسامح تحياتي منسييت اوراااق |
اجمل صفه هي صفة التسامح
الحمدلله مااذكر زعلت احد او زعلني مايطول بيننا الخصام وحتى لووحده من صديقاتي هي من تختلف عني وبدت بالزعل ابادر دائما بالصلح والله لايجيب خلاف الدنيا ماتدوم والانسان دايم يحب يترك ذكرى حلوه عشان الناس تذكره بالخير وتدعي له لارحل عنهم فالانسان دايم لايكون على صواب وانا من خلال صفحة هذه البادره الطيبه اعتذر لوجرحت حد من اخواني وخواتي الي هنا بدون قصد كل الشكروالتقدير لك منسيت اوراق جزاك الله خيرالله يجعلهابميزان حسناتك وغفرالله لك ولوالديك دمتي بحفظ الرحمن |
هلا
و غلا اختي شموخ مشكوره واااايد ع المرور والله يعطيج العافيه تحياتي منسيت اورااق |
الساعة الآن 11:05AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية