ياصاحبي ماني على كثر السوالف مكترث = لني حشمت أذني عن هروج السخافه والملام
ولو كنت احسّب في حياتي للكلام اللي يغث = إن كان ضقت وضيقتي عيت تخليني أنام !!
مالي ومال الخبل وعلومه ليا منه نكث = أصلا ً مجرد اهتمامي فيه .. قلة أحترام !
والرجل لامنه نفخ في وجهه ابليس ونفث = اتركه ! وليا طالت علومه ماابادله السلام

//
\\
//
\\
//
\\

الشعر مااخذته غصب لا ..لا .. ولا اخذته علث = الشعر "سيفي" وأحمله لاخضت "معركة الكلام"
لا دق ناقوسي و"عفريت المشاعر" ما.. لبث = يطيـّر "حروف الشعر" مني كما اسراب الحمام
وإن كان شعري ماوصل قمه ولا واكب حدث = نذر ٍ إذا ماادفنه بالصدر .. عليّ الحرام !!

\\
//
\\
//
\\

طيب الحصاد يعلمك مجهود رجال ٍ حرث = والنور مابه فايده لو غابت خيوط الظلام
والذيب لو حصّل عشاه إن كان ماهرول عبث = والحر لو ماطال صيده ماتشوفه يوم حام
ولو كل رجل ٍ من "فعل جده وتاريخه" ورث = ماشفت وشلون " الرعاه" تدوج بالصف الامام !!

\\
//
\\
//
\\

حنا بشر لكن ضمايرنا غدت مثل " الجثث" = ناكل من لحوم الفقارى لين نرميها عظام
فينا الرجل لامن مشى بدرب الجشاعه مالهث = لو ماله اللي في يديه يعيّشه تسعين عام
لكن متى ماشفت بأن الصبر فينا مامكث = عنده أنا بقول للعالم : على الدنيا السلاااااااام !!

السلام عليكم ورحمة الله وبركاته

فارس

انت فارس بحق

صح لسانك

نص محكم مليء بالحكم

دمت بهذا الألق












ارق
تحية

فارس الحرف
أسم تستحقه بكل جداره على هذه الرائعه
هنا
حكمه و نصيحه وعذوبه وجمال هنا شعر
فارس الحرف
وقصيدة تستحق القراءه أكثر من مره لجمالها

طيب الحصاد يعلمـك مجهـود رجـال ٍ حـرث
والنور مابه فايده لـو غابـت خيـوط الظـلام
والذيب لو حصّل عشاه إن كان ماهرول عبـث
والحر لو ماطال صيـده ماتشوفـه يـوم حـام
ولو كل رجل ٍ من "فعل جـده وتاريخـه" ورث
ماشفت وشلون " الرعاه" تدوج بالصف الامام !!

الله روعه يافارس
صح لسانك

طيب الحصاد يعلمك مجهـود رجـال ٍ حـرث
والنور مابه فايده لـو غابـت خيـوط الظـلام

والذيب لو حصّل عشاه إن كان ماهرول عبـث
والحر لو ماطال صيده ماتشوفـه يـوم حـام

ولو كل رجل ٍ من "فعل جـده وتاريخـه" ورث
ماشفت وشلون " الرعاه" تدوج بالصف الامام !!

فارس الحرف.. صح لسانك واحساسك اعجبني ما قرأت لك دام تواجدك .. وفيض مشاعرك .. ودام تواجدك معنا لانك مكسب .. تحياتي لك. رهب