نجدية من ارض نعم السلاطين
هذي انسانه اكيد او ملاك بجسم انثى استباحت كل سد وسط قلبي استباحته بشراسة وبحنان استباحته بجنون صابني من شفتها صرت اسئل هي حقيقه او خيال او من احلام اليالي تختفي بشمس النهار لاتحسبوني ابالغ او ازيد والله انها ياسمينه لونها لون الطهارة وعطرها دايم يفوح بحة الحرف فنحرها لي سمعته استجير والعيون اللي حورها تل قلبي من نواته مستضلة تحت رمشا ناعسا سهمه خطير ان وقف وصفي وقصر ما ابي اكتب هبالي خايف اني والله اكفر واختصرها في مقالي الله وهـبـهـا الخلق مع كامل الزين=والله وهبني الكون واحلى يمامـه لبية من عانق هوى العيـن للعيــن=يوما لمحت الرمش وارسل سهامه ليمن مشت تاقف لها الناس صفين=شموخها فوق السحايب غـمـامــه هـيـبـه تـهـز الأرض تشرق بنوريـن=من شـافـهـا والله صـابـه لـجـامـــه فيها حلا ما شيف في الهند والصين=وباريـس مع رومـا تلاشن امـامـه نـجـديـة من ارض نعم الـسـلاطـيـن=فيهـا الحيـا والـدين احلى عـلامـه ان قـلـت احـبـك ماتـوفـي مـلايـيـن=وقـلـب يـحـبـك حيـل ضيـع كـلامـه الحـمـد للي سـاجـدا لـه مـصـلـيـن=رب وهـبـنـي ايـاك وارخـا نـعـامـه خربشاتي الخاصة اتمنى ان تنال استحسانكم ورضاكم وتقبلو تحياتي وتقديري لاعدمتكم |
صح احساسك ولسانك
ساري نجد قصيده قمه بالجمال مشكورالله يعطيك العافيه دمت بحفظ المولى |
شموخ نجد
صح بدنك لاعدمتك يا كل الذوق تسلمين فديتك وشاكر لك تواجدك وكلماتك الرائعه تحياتي وتقديري لاعدمتك |
لبية مـن عانـق هـوى العيـن للعيـن يوما لمحت الرمش وارسل سهامـه ساري نجد صح لسانك قصيده رائعه يعطيك الف عافيه تقبل مروري تحياااتي لك |
ساري نجد
صح لسانك |
عـــاشق صح بدنك فديتك يا كل الذوق شهادة اعتز بها من شاعر قدير كل التحيه والتقدير لاعدمتك |
المورقي صح بدنك فديتك |
صح لسانك ساري
لاهنت مودتي |
::
حيّاك الله ياساري وصح لسانك ولاهنت.. دمت بخير |
رياض الهديرس صح بدنك يابعدي ولاهان غاليك فديتك سعدت بتواجدك وتقبل تحياتي وتقديري |
الساعة الآن 06:29PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية