الى الوحيدة البداية والنهاية
حبيبتي اهديها ابسط ما يمكن أن يقال فيها

تطري علي بكل وقت وعلى البال=ماغبت عني لوه الوصل مقطوع
لك بالحشا يامنوة الروح منزال=حبك سكن بي داخل القلب مطبوع
يامن ملكت الروح لك حق تختال= هونك على صدرٍ حطب ناره اضلوع
حاضر ولوتغيب في كل الاحوال=يامن سقيته حب بالقلب مزروع
لحظة زعلك يزلزل الجوف زلزال= يحطم كياني ويصدّع القلب بصدوع
نشفت دمي بالشراين ماسال =عقب المفارق كنه العمر منزوع
الروح راحت ردلي الروح بوصال=ليلي طويل ٍ كله أقضيه بدموع
ثابت غلاك بداخلي دوم مازال=بحبٍ على مايرضي الرب مشروع
ابيك ترضا اليوم وتغير الحال= بعهد الوفا و الوصل مابيه مقطوع
ياكامل بالزين ياعذب الخصال=بعقلٍ ذهب ولسان حلو ٍ ودلوع
عشقك حقيقة ماهي حروف تنقال =احرقت أنا عشر الأصابع لك شموع
حاضر معي في كل وقت وعلى البال=ماغبت عني لوه الوصل مقطوع

حاضر ولوتغيب في كـل الاحـوال
يامن سقيته حب بالقلـب مـزروع


صح لسانك لاهنت

اسماعيل

صح لسانك

مبدع دايماً

تحيااااااااااتي

المشاركة الأصلية كتبت بواسطة رياض الهديرس (المشاركة 39086) حاضر ولوتغيب في كـل الاحـوال يامن سقيته حب بالقلـب مـزروع صح لسانك لاهنت

كانت المقدمه رائعه في صراحة العبارة

اذن عشقك حقيقة ماهي حروف تنقال
احرقت في عشر الاصابع لك شموع


جميل جدا .. هذا الحب.. وجميل جدا تلك التضحيه

والاجمل هنا .. لغة الشعر التي جسدت صورا من عشق
وبوحٍ من شوق.. وروحٍ من نقاء..


سماعيل العقيل



تقديري لهذا الحضور ولكل حضور لك



تحياتي

المشاركة الأصلية كتبت بواسطة عبدالرحمن السميري (المشاركة 39194) اسماعيل سلمت ولاهنت

المشاركة الأصلية كتبت بواسطة عاشق (المشاركة 39321) اسماعيل صح لسانك مبدع دايماً تحيااااااااااتي

الشاعر القدير

((عاشق))

صح بدنك ولاتهون
وشكراً لك على مرورك العطر
وحضورك المشرق

دمت بكل خير وسمو
تحياااتي لك
\
\
\