دعيني اعلمك الرمايه ولاخنتك أرديني قتيل = وبعلمك نظم القوافي واهجيني لو عنك سليت
وبعلمك وشلون تمسك إيدك أطراف الفتيل = وكيف يدّك تشعله وتفجريني لو مشيت
ماعشقت الا سموك كثر عشق المستحيل = ومابي منك غير قلبك,,غير قلبك مابغيت
ودام هو كله يبيني,,وانا ما أرضى القليل = هذا يعطي دافع إني,,ما ابيعه لويّ ميت
أدري إن الحب ما يملي أبد كف البخيل = وانا والله مو بخيل ٍ كوني لقلبك شريت
إسمعي دقات قلبي صوتها يصهل صهيل = كل ما على صدرك حضنتيني اذا انا بكيت
بعدها يرتاح قلبي وانسى همي والعويل = وامسح دموعي بكفي دامي بصدرك رسيت
وأتذكر إني دوم شامخ مثل نبتات النخيل = واتذكر إني دوم جامح لا ولا عمري كبيت
يابعد عمري وحياتي وش تبين اكثر دليل = دام انا لحظة عرفتك كنت ميّت ثم حييت
وش تبين اثبت دخيلك كان هذا شيء قليل = وش تبين اكثر من إني جيت ولعيونك عنيت
والله إنك لو طلبتي تسمعي صوت الصليل = لأحمل سيوفي وأحارب كل عذول بكل بيت
ووالله إنك لو طلبتي افرش ضلوعي مقيل = لأفرش ضلوعي وعيني فيّـتك لو إنعميت
ما أبي غيرك دخيلك وانتي بعد الله دخيل = ما أبي غيرك حبيبة لأني ماغيرك رجيت
ويش ابي فغيرك اذا انتي نادرة مالك بديل = صدقيني مابي غيرك,,مابي غيرك لوّي ميت