صوت حزني ( نص جديد )
الوفا في هالزمن عابر سبيل = والجفا في هالزمن راعي محل وأن لقيت المال في كف البخيل = الكرم عن ظاهر الدنيا رحل غربة الاحساس والصبر الطويل = يستفز البوح من حلمٍ نحل ضاع دربي مالقيت الا دليل؟ = في ديارٍ لا ربيع ولا مَحل كنت أموت بصمت وضلوعي تشيل = صوت حزني والزمن طين ومُحل الرحيل أحيان مايعني .. الرحيل؟ = لاغدى العالم على كوكب زحل كل ماعيني غفت في جنح ليل = مبرد الذكرى لها مر وكحل الطعون زناد والهاجس فتيل = والاماني كنها شوكة نحل الوفا هذا الزمن جداً قليل = قطرةٍ طاحت على هامة محل غربتي غربة مشاعر (ياخليل) = في زمانٍ غيّر أسمه وأنتحل كل وجه أشوف له وجهٍ بديل = كل مابرّقت في وجهٍ رحل الوفا في هالزمن عابر سبيل = والجفا في هالزمن راعي محل . . . . |
(( تعديل النص لوجود أخطاء مع صادق تقديري لكم )) ـــ
الوفا في هالزمن عابر سبيل = والجفا في هالزمن راعي محل وأن لقيت المال في كف البخيل = الكرم عن ظاهر الدنيا رحل غربة الاحساس والصبر الطويل = يستفز البوح من حلمٍ نحل ضاع دربي مالقيت الا دليل؟ = في أديارٍ لا ربيع ولا مَحل كنت أموت بصمت وضلوعي تشيل = صوت حزني والدهر طين ووحل الرحيل أحيان مايعني .. رحيل؟ = لاغدى العالم على كوكب زحل كل ماعيني غفت في جنح ليل = مبرد الذكرى لها مر وكحل الطعون زناد والهاجس فتيل = والاماني كنها شوكة نحل الوفا هذا الزمن جداً قليل = قطرةٍ طاحت على هامة مُحل غربتي غربة مشاعر (ياخليل) = في زمانٍ غيّر أسمه وأنتحل كل وجه أشوف له وجهٍ بديل = وكل مابرّقت في وجهٍ رحل الوفا في هالزمن عابر سبيل = والجفا في هالزمن راعي محل . . . . |
ضــــــاع دربــــــي مـالـقــيــت الا دلـــيـــل؟
فـــــــــي ديـــــارٍ لا ربــــيـــــع ولا مَــحــل الله الله الله صح لسانك مليون ولايسدون غمرتنا أبداعا حتى الثمالة تقبل مروري وتقديري يارايع |
( رد الشاعر الجزل خليل الطلوحي ) :
ياكثر في هالزمن قولٍ وقيل = لكِن قلي (يابو نايف) وش حصل مانتخضّع غير للرب الجليل = ومن عقد له عقدةٍ لازم يحل إعتصم بالله والصبر الجميل = يفرج الله كل ضيقة من بحل البخيل مشبّهن على الذليل = مي رسٍ كل لحظه يضمحل الذيابه يعشقون المستحيل = والثعالب تنزوي وسط الدحل رف بالجنحان يالحر الاصيل = وأنت (ياقاف عنزه) شاعر فحل . . |
منصور الرويلي
قصيده جزله ومعانيها رائعه استمتعت فيها صح لسانك |
الساعة الآن 09:08PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية