ردو العشواء وفكولي أميرة !! النياق الي علينا غالياااتي
ردو العشواء وفكولي أميرة = النياق الي علينا غالياتي مانبي مجلاسنا في وسط ديرة = شفنا بالنفد وعروق النباتي من شمال الدرب يطابك سميرة = لين تبين لك رجوم نايفاتي في فياض يطرد فيها غديرة = ماعليها الا الطيور الطايراتي بكر الوسمي عليه وزاد خيرة = علته غر المزون الممطراتي قو برقه يخطف أبصار نظيرة = ولادواء رعده تجض المترفاتي مع طرف وسميتن جتنا بكيرة = ماحلى نبت الوسوم الباكراتي في كنف ذود نخوض به الجزيرة = مانقلد بالعروش الطايلاتي الجمل وسط الحماء تسمع هديرة = وأرزمت ريمه قبل لطرش ياتي في هواها ندفع أموال كثيرة = ماحسبنا غير رب الكايناتي ماغبطنا الي تعزوابه أميرة = لو يحطون الذهب وسط المشاتي |
الغالي
الشاعر طلال النشار الله انه يسعدك ويوفقك بجميع اوقاتك بكل خير ولقد اسعدني ان اكون اول المصافحين لهذه القصيده الجزله والجمل من جميلة والرائعة وصح لسانك وعلا شانك مليون ولايكفون تقبل تحياتي |
اخوي الشاعر طلال صح الله لسانك ولاهان قلمك تقبل مروري اللي شرفني بمتصفحك |
صح لسانك ياطلال
ارويت الذائقه لاهنت |
والله ونعم
وصح لسانك وتقبل اجمل تحية |
الساعة الآن 11:08AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية