|
تكفون ياعزوت التوحيد والسنه
حسبي الله ونعم الوكيل على من تطاول على كتاب الله عز وجل وقام بتمزيقه ,, ربي لاتواخذنا بما فعل السفهاء منا شكري وامتناني للمصممه الرائعه , رفيف ,
سـبحانه الله رب العـــرش سـبحانه = الواحــد اللـي خلقــت النـار والجـنه اسجد لوجهه لعل اضفر برضوانه = يامــن له الشـكر والعــرفان والمنه ياكبر حلمه علـى من الحـد وخانـه = وياوسع صبره بحـق الأنـس والجّنه اللي تطاول على صفحات قرءانه = ســـفيه مايعـــرف اللي يديه سـونه اســئلك تهــديه ولا تعطـب اركانه = ولا تخلـــي له الا الدمــــــع والوانه فرعون في مصر قبله شذ فـاعوانه = اقر الصحف ياحمار وتخبرك عـنه ســـاوا البحر فوقـــه الا ذله وهـانه = لين اصبحــت فوق راسه كنها عنه تكفون من جاب لي رقمه وعنــوانه = تكفـــون ياعزوت التوحــيد والسنه الشاعر/ عبدالعزيز الشلوه |
حسبنا الله و نعم الوكيل
بل قول الله ياخذه اخذ عزيز مقتدر صح لسانك يا عبدالعزيز و لاهنت ابد و الله يسلم رفيف على التصميم الاكثر من رائع ابدعت بحق و اعلم بان نصر الله قريب موفق ريف النشاما |
الغالي
الشاعر عبدالعزيز محمد الشلوه العيد مبارك وكل عام وانت بالف خير والله انه يسعدك ويوفقك لما فيه الخير اسعدني كثيرا ان اكون من ثاني المصافحين لهذه القصيده ,الصوتيه القوية والدالة على الحمية الدينيه وماتحمله بطياتها من حب لله وكتابة من مشاعر صادقه وصح لسانك وعلا شانك مليون ولا يكفون تقبل تحياتي |
حسبي الله ونعم والكيل
ربنا لاتوخذنا بما فعل السفها منا شاعرنا عبد العزيز صح لسانك مليووون ويشكر من يتطرق لهذه المواضيع المهمه الف شكر لك يالغلا |
صح لساانك
دمت متالق مودتي |
|
اقتباس:
صح بدنك اخوي ريف النشاما نورت متصفحي لاهنت |
اقتباس:
الحين مالقى يجرّب الا بكتاب الخالق العظيم :nono: سبحان الله -- ماقصرت ايها العملاق جزاك الله وتعودنا حضورك القوي في الذود عن الاسلام والمسلمين الله يجعله في ميزان حسناتك وصح لسانك ايها العلم |
حسبنا الله ونعم الوكيل على هالضعيف اللي
ماذل الاء نفسه ولاهان الاء نفسه الشاعر عبدالعزيز القديير كيف حالك عساك بخير ليس غريبا عليك السبق الى مثل هالمواضيع التي اصبحت انت وامثالك من الشعراء البارعين معروفين بالتقدم الاولي لها وكفو وصح لسانك وبيض الله وجهك غيره اسلاميه ليست بغريبه عليك والشكر خاص للمصممه رفيف تحياتي وتقديري |
اقتباس:
ابو محمد لاهنت على حظورك الرااائع وثنائك الغير مستغرب صح بدنك فاضلي كل الشكر |
| الساعة الآن 07:48AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية