حرك سكون القلب واهج هجوسه ,,
بسم الله الرحمن الرحيم ,,
السلام عليكم ورحمة الله وبركاااااته ,, اسعد الله مساكم وصباحكم بكل خير وكل سرور ,, كل عام وانتم بألف خير وأقدم لكم ابيات علها تشفع عن الغياب وتنول اعجابكم ورضاكم ,,
حرك سكون القلب واهج هجوسه=يوم استوى للشعر حبر ٍ وقرطاس يعلب على متن القصيد ويدوسه=هجس ٍ على بحر التماثيل غطاس يزها جنابه وافر ٍ مايحوسه=مايتعبه من هومته بعد الارماس أهل الشعر فالشعر لا ماتروسه=رواس لاواجه مع القيل رواس من عمق فكر وطيب ظني وجوسه=ابني بيوت الشعر ساس ٍ على ساس في ليلتن بالذكريات محسوسه=تلفي على قلب ٍ من الوقت حساس شاف اللذي عافه وغير طروسه=في ساعة ً منها الرجاء ينقلب يأس ذكرىً لها من سالف الجيل غوسه=يضوي سناها لاضفى ليل الادماس قضيت عمري فالزمان ودروسه=اصارع ايام ٍ عنيدات وشراس مر ٍ على كبد المولع نحوسه=توثق على باب الضماير بالافلاس والي صفى للقلب من كثر لوسه=خوة رجال ٍ بالوفاء توفي الكاس ذخر ٍ ليا جات السنين العبوسه=تبذل عزايمها على كل نوماس الي لهم بالعز غالي لبوسه=تاج وشاح ٍ يعتلي هامة الراس ماهم مثل من كاد يحسب فلوسه=كسب بماله كلمة ً مالها ساس خطو الضعيف الي تضاعف فنوسه=بين الردى والذل قد حط مجلاس وسـلامة نواظركم وقلوبكم ,, خالد العبيريد |
الغالي
الشاعر خالد العبيريد اهلا وسهلا بك ومن حضر ما غاب والعشر مباركة والله انه يسعدك ويوفقك بجميع الاوقات بالخير ولقد اسعدني ان اكون اول المصافحين لهذه القصيده الجزله بما تحمله من معنى ومضمون من واقع تجارب مرت وانتجت هذه القصيدة الجزلة من شاعر متمكن وله باع طويل بالشعر وصح لسانك وعلا شانك مليون ولايكفون تقبل تحياتي |
خالد العبير يد
صح السانك ملايين ولا يكفون اخوي جزاله ومعاني وافيه لاهنت لاهنت لاهنت والـي**صفـى**للقـلـب**مــن**كـثـر**لـوسـه - خـوة**رجـال**ٍ**بالـوفـاء**تـوفـي**الـكـاس ذخــر**ٍ**لـيـا**جــات**السـنـيـن**العـبـوسـه - تـبـذل**عزايـمـهـا**عـلــى**كـــل**نـومــاس |
اقتباس:
هلا ومرحبا ياسفير حياك الله ,, صح الله بدنك وصح قلبك وكلك ولاهنت على حضورك المضئ وتعليقك بارك الله فيك ودايم سابق بالعلم الطيب ,, كل تحياتي وتقديري لك ياغالي . |
اقتباس:
هلا شموخ أمراه حياك الله ,, صح الله بدنك وصح قلبك وكلك ولاهنتي على حضورك المضئ وتعليقك بالعذب بارك الله فيك ,, كل تحياتي وتقديري لك . |
...
هنا يكون البقاء للحرف الجميل صح لسانك و لاهنت ابد قصيده رائعة من شاعر نعتز به هنا معنا كل التقدير ريف .. |
شاعرن خالد
حياك الله وقصيدة تشفع لك وجزلة صح لسانك تحياتي |
|
[quote=ريف النشاما;393605]...
هنا يكون البقاء للحرف الجميل صح لسانك و لاهنت ابد قصيده رائعة من شاعر نعتز به هنا معنا كل التقدير ريف مرحبا يافواز حياك الله ,, صح الله بدنك وصح قلبك وكلك ولاهنت ياغالي والبقى لله ,, تحياتي ووافر احترامي لك ياغالي . |
اقتباس:
حياك الله انت ياخالد محمد ,, صح الله بدنك وصح قلبك ولاهنت على حضورك المضئ ,, تحياتي وتقديري لك . |
الساعة الآن 10:01PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية