انا ليا ضـــــاقت هواجيس خاطري = تصـــــــافق محاملها بعدل وميل
خيل عليها الهم من كل مـــــا طرأ = ولا أدري يسيل الهم وين؟ يسيل
لاســـــال في صبخاً قليل ٍ نباتها = تراها بلــــع ماها , بلا حصيل
رفعت مـــــنها سجة الرجـل وانتقل = والوقت يمضي والضعون تحيل
ومن لارفع رجله ليا موطن الشرف = يبقا , بــــــحسرات الزمان ذليل
أبا أرحل,لـــــوادٍ فياضه وروضته = تسقى بــــقوعه من بحور النيل
واد ٍ نزل فيه السديري مــــــــحمد = محــــــــمد الاحمد زبون الحيل
لاهــوب ولد عمي ولا والله اعرفه = ألا بقـــــــــــول الناس بالتفصيل
وأباامشي على الخطه وما قالوا العرب= ومعطي ادروب النــاس ما يعيل
نشدت ,,, عنه اهل العقول وقالوا = وعــــــــــلوم عقال الرجال دليل
ماينتقلد به ,,,,,على غير مثله = ومثله من ابطال الـــــــرجال قليل
مثله ( ابليهي ) ليا قام وانتهض = بحمله وبـــــــــالحمل الثقيل يشيل
اله شايـــــــــــــة ٍِ ماتتقي فيه بينه = طويل المــــــناكب والذراع طويل
واله شايـــــــة ٍ ماتتقي فيه غيرها = ندا , الندى من وجـــــــــنتيه يسيل
وله شايـــــــــة ٍ ما تتقي فيه ثالثه = بيته لفتــــــــــــخان اليدين مقيل
بيته بني ساسه على المجد والثنا = ساسه عــــــــزاز ومنظره جميل
بيته قطوع الجوع في حزة الهلع = صميل قيضٍ ٍ مـــــــا وراه صميل
بيته الحاف البرد في حزة الشتاء = وفي القيض عن لفح السموم ضليل
واله شايــــــة ٍ ما تتقي فيه رابعه = خفيف نفس اليـــــــــا رسى ثقيل
اليا رسى يرسي كما يرسي الجبل = بتيل على كل الجــــــــــــبال بتيل
ماهوب غصن ٍ كل ما هزه الهواء = من حيث مـــــــــا مال الهواء يميل
ولا شح في دنياً وهي تيمها الفنا = لاشـــــــــــــــح في دنياه كل بخيل
مثالث ,,, دنـــياه من حق واجبه = يــــبـــــــيــــه لليوم الفضيل سبيل
ثلث ٍ لصينية اضيوفه ودلـــــته = وثلث ٍ لـــــــــمن يبسط يديه يسيل
وثلث ٍ يعـبر به سبيله وحاجته = وتوكل على الله حــــــــي ها الوكيل
حصان غبات المعارك اليا و جرا = يجيله بميدان الـــــــــــــــطراد صهيل
سدار ى ًطويل شبرها في حدودها = ماهم لــــــــــــــــعفون العظام هزيل