انت مخلوق ٍ مكانك فوق راس القمّه=مارفعك الاالتواضع و الوفاء وخلاقك
انت راع الطيب كله والكرم والهمّه=العروبه ولاصاله كلها بعماقك
انت غير الناس هاذى يانظيف الذمّه=انت يالمطنوخ عنها ميزك خلاقك
انت مطنوخ ٍ جرا حب العلا في دمّه=والله انك طيب من راسك الى سفل ساقك
راعي الفزعه نشوف الناس دايم يمّه=يم فعل الخير والله ماذكر سباقك
قالها اللى يجتول في جوف صدره همّه=جاه همّه من زمانه قال انا مشتاقك
ظمنى همى بقوه اه مقوى ظمّه=قلتله ياهم لو ضميتني مطاقك
من عواصيف الزمان الشين شلت مطمّه=يازمان البهذله ماضن غيري ذاقك
ذقت سمك ونت سمك زادلى في سمّه=اه وافرقاي منك الله يجيب افراقك
قلت لك مافي ضميري والكلام انتمّه=ياطويل العمر جعله مايغيب اشراقك
ياسليل المجد في آمال كل الامّه=كيف لا ونت الحيا اللى يشتعل براقك
والنهايه كالبدايه فوق راس القمّه=مارفعك الا التواضع والوفاء وخلاقك