يافـــؤادي لا وصل علم القوي شد الظلوع
يافـــؤادي لا وصل علم القوي شد الظلوع ======= شد بطراف الحنايا والصــبـر يــفــرج مصيبه اجلــد بصدري ياقلبي لا تجي طفقٍ جزوع ======= خفقتك لا لا تراعـــد لا عــوا للهم ذيبه لا تـــعـــدا لا تــوايــق لا تــدور لك فــــزوع ======= ازبن طـويـق المحــاني بندق الشكوى صويبه انتظر صبحٍ دروبــه ماتجــي وادي الدمـــوع ======= المساري في غــداري الــروح تجعلها عطيبه كيف/ يمكن/ ليت/ لو/ياعل/ماتبري وجوع ======= والتمني درب ضيّق ماوصــل ديــره رحيبه ومن ينام السبت فكــره ينتظر صبح الربوع ======= تثقل الساعة يعيش اليوم لحـظــاتٍ عصيبه لا يهمك يافــؤادي لو تجـي همومـك جموع ======= دام تتبع عقل شاعر عاشر اعـقـولٍ لبيبه الـنـخـل ماقد بخـل لو ماهــزع يوم الجــذوع ======= وش يفيد اصبح جريد الذنب ماجمت قـليبه والمواقف نعمة الله والــظــروف اللي تروع ======= تظهر العزوة من الخزوة نتايجها رهيبه ذا الزمن حب المظاهر والـتـفـاخـر والطلوع ======= كم رجل ذب المبادي من اجل شيٍ يجيبه في المصالح عونك اللي لا امرته جاك طوع ======= لا خلص فرعون يطعن بالظهر نمه وغيبه مثل من صلى لحاجه بعدهـا كب الــركــوع ======= أيتمسكن لا تمكن اختلف طبعه وطيبه والدني مهما تطبع تكشف الحـاجــه طبوع ======= للجيف ينزل من اعلا ماخشا شيٍ يعيبه لا كلا غمض عيونه كنه ( القط ) الــدنــوع ======= نفسي نفسي لا كلا ضرسٍ علا ينسى صحيبه للخوي اصعب رياله لا ظهر من حب كـوع ======= كنه الروح اللي تظهر جعل ماله للنهيبه هذا حال الخلق هذا شمعدان او ذا شموع ======= ذا برود إحساس هذا واقد إحساسه لهيبه والعـمـر قـفـرا مطر مابه مقر لا به رجـوع ======= من مهد حتى اللحد شايب ولد يدفع ضـريبه وياشقا اللي في هوا روحه يجي دايم تبوع ======= ان ركض ولا وقف يلهث و روحه مستصيبه والســعــيــد اللي عفيف الروح بالدنيا قنوع =======مرجهن قلبه بربه مادرى بأعظم مصيبه |
,
ريم .. نص محمّل بالجمال وذائقه ، مخمليه شكرآ لكل هذا تقديري |
بــــــــدر
مشكووور على مرورك وتواجدك في متصفحي |
الساعة الآن 02:46AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية