ياشيخ عتيبه ياذراها عن الميل = ياقمة بالمجد محدن وصلها
ياشامخ بالطيب جيل بعد جيل = لاكبرت القالات انتم أهلها
أنا أشهد أنك بالمواقيف حلحيل = لاثارة الهيجاء عرفنا بطلها
أنته ولد شيخ يروم المستحيل = وكل الفعول النادره كفو لها
أبن حميد اللى له المجد المهيل = بيارقه تمشي ولاحد ذلها
مقدم عتيبه لاتوعدها هبيل = بالمعركه بيض الهنادي سلها
حنا عتيبه ماخلق فينا ذليل = وجل المراجل شبلنا قدلها
مافى عتيبه لابخيل ولاهزيل = أبن رشيد الاولى دللها
يافزعه العتبان منجيت الدخيل = محدن يضام لايانزل فى حلها
عتيبه اللى مجدهم بيرى الغليل = من طيبها كن الشرف عبد لها
حنا خوال المصطفى فخر جميل = عز النسب واللى رضع عزلها
أمجادنا بالكون ماتبغى دليل = تشهد لنا كل القبايل كلها
هم يحسبون الحصن ماتصهل صهيل = وان الفرس يخونها خيالها
يامحمد بن حميد يالظلع الطويل = جهجاه جدك كل جزله نالها
أفزع لمن صكو عليه بعز ليل = وبيارقه تنخاء عتيبه كلها
من دون نقص بالقبايل والقبيل = المرجله عذرا تبى رجالها