برد الخيانة
يكفي الشتاء ينهش ضلوعي من البرد= يكفي الزمان اللي غلبني رهانه ما كنت أظن الشوك يطلع من الورد= وإلا الجفا يسكن ضلوعي عشانه ليت الخيال اللي بدالي هوى شرد= ليت الذي شفته مجرد لعانه شفت الغدر في نظرة الشوق تحتد=يروي ضما محبوبته من حنانه أهونّ علي أعمى ولا شفت هالود=بينه وبين اللي خدعني عشانه سلمت له قلبي من اليد لليد= فيني نبت روح الغلا من جنانه ما كنت أبي جرحه ولا كنت أبي الصد= بيده رسم خط النهاية وزانه الله على ذاك الغرام اللي من بعد= لوعة خفوقي اللي مضيع كيانه محبته في داخلي مالها حد= غيره تمنى يملك الصدر خانه إسمه قبل رسمه غدا فيني منجد= عطيته من غدر الليالي حصانه اخلصت له روحي ولا كنت أبي رد= غير الوفا غير الوعد والأمانة دمع الحروف الغايرة يروي الخد= حتى القصايد تنزف من الإهانة ياما تمنيته يجي يقهر البعد= يلمس أحاسيس الوله باحتضانه صدره بغيته يحضن أسواري ويشد= لا ذقت جمرة من هواه وزمانه كنت أنتظر تدفا ضلوعي من البرد= وإثر الدفا جرحه وبرد الخيانة |
الله الله
الشاعرة القديرة نجد الضاوي تشرفت بمصافحة تلك الفاتنة اول واحد صح الله لسااااااااانك واعتلا شاااااااااااانك اعجابي الشديد واحترامي لك دمتي متاااااااااالقة |
..
الله الله ما اروعك يا نجد الضاوي وما اروع حروفك ابدااع و ليس مستغرب على شاعرة متمكنه ما زلنا نتوق للكثير كل التقدير ريف .. |
الغاليه
الشاعره نجد الضاوي الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده القويه والرائعه وماتحويه من معنى ومضمون كتبتي واجدتي بتصوير واقع ربنا يبعدنا عنه وعن اصحابه وصح لسانك وعلا شانك مليون ولايكفون وتقبل تحياتي |
ينهش ضلوعي ’’ غلبـنـي رهـانـه ’ خـــط الـنـهـايـة ’’ إسمـه قبـل رسمـه ’ دمـع الـحـروف الغـايـرة ’’ يـقـهــر الـبـعــد أوبريت السلطنة ... لا يجيدة إلا من يمتلك سلطنة داخلية ’’ كأنتي ومثلكـ .. تماماُ كنـت أنتظـر تدفـا ضلوعـي مـن الـبـرد ـــــــــــــــــــــــــــ وإثــر الـدفـا جـرحــه وبـــرد الخـيـانـه هذا البيت مثله مثل العقد !.. لا يحلو الآ بأكتماله صح الرب نبضح يا ... نجد الاصاله .. أقبلي جل أعجابي بما خطته أناملك .. " فـهـد الـدقـيـس " |
قصيده راقت لي كثيراً
صح لسانك مبدعه يانجد |
راااااااااااااااااااائعه وأكثر
إبدعت شعراا .. وعزفت وتراا .. وأمتعت الإحساس ترفاا صح لسانك ياالشيخه على جمال ماقرأت بإنتظار جديدك بشوق أرق تحيه |
اقتباس:
مساء الخير // الشاعر الكبير : صنداح الزلامي أشكر مرورك العذب هنا وأمنياتي لك بالتوفيق .. دمت بخير .. |
الساعة الآن 02:01AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية