يكفي الشتاء ينهش ضلوعي من البرد= يكفي الزمان اللي غلبني رهانه
ما كنت أظن الشوك يطلع من الورد= وإلا الجفا يسكن ضلوعي عشانه
ليت الخيال اللي بدالي هوى شرد= ليت الذي شفته مجرد لعانه
شفت الغدر في نظرة الشوق تحتد=يروي ضما محبوبته من حنانه
أهونّ علي أعمى ولا شفت هالود=بينه وبين اللي خدعني عشانه
سلمت له قلبي من اليد لليد= فيني نبت روح الغلا من جنانه
ما كنت أبي جرحه ولا كنت أبي الصد= بيده رسم خط النهاية وزانه
الله على ذاك الغرام اللي من بعد= لوعة خفوقي اللي مضيع كيانه
محبته في داخلي مالها حد= غيره تمنى يملك الصدر خانه
إسمه قبل رسمه غدا فيني منجد= عطيته من غدر الليالي حصانه
اخلصت له روحي ولا كنت أبي رد= غير الوفا غير الوعد والأمانة
دمع الحروف الغايرة يروي الخد= حتى القصايد تنزف من الإهانة
ياما تمنيته يجي يقهر البعد= يلمس أحاسيس الوله باحتضانه
صدره بغيته يحضن أسواري ويشد= لا ذقت جمرة من هواه وزمانه
كنت أنتظر تدفا ضلوعي من البرد= وإثر الدفا جرحه وبرد الخيانة

ينهش ضلوعي ’’ غلبـنـي رهـانـه

’ خـــط الـنـهـايـة ’’ إسمـه قبـل رسمـه

’ دمـع الـحـروف الغـايـرة ’’ يـقـهــر الـبـعــد


أوبريت السلطنة ... لا يجيدة إلا من يمتلك سلطنة داخلية ’’ كأنتي ومثلكـ .. تماماُ

المشاركة الأصلية كتبت بواسطة صنداح الزلامي (المشاركة 379520) الله الله الشاعرة القديرة نجد الضاوي تشرفت بمصافحة تلك الفاتنة اول واحد صح الله لسااااااااانك واعتلا شاااااااااااانك اعجابي الشديد واحترامي لك دمتي متاااااااااالقة