يطربني المسيـار بـارضٍ خليـه=دارٍ حياء شوق الرجال الطحاطيح
ياجعلها للسيـل صبـح وعشيـه=من وبل همال المزون المراويـح
من وبل وسمـيٍ تظافـت رفيـه=ولاصافقنه عاتيـاتٍ مـن الريـح
واليا أستقـل وصارللمـزن فيـه=يهل عبرات السحايـب مشاويـح
وينهل من غـر المـزون برديـه=.بسيلٍ يجرح صامل الارض تجريح
ويمطرعلى هاك الفيـاض العذيه=ويطلع زهرها مثل نورالمصابيـح
ويسوق له راع الغنـم والمطيـه=بعد علوم اهل الوجيـه المفاليـح
قالوحيـاء ماصارمثلـه وزيــه=والعلم للظفـران شـارة وتلميـح
يازين سج الرجـل فيهـا شويـه=مشيٍ ورى شقح البكار المضائيح
هذا طراة الـروح ياهـل الحميـه=ايضاء وطبٍ للقلـوب المجاريـح
سج القدم على ثرى ارضٍ طريـه=يبعد همومـن للظمائـر مدابيـح
مع الفجـوج الشاسعـات النقيـه=اخذبها عن ضيقة البال تصريـح
في تختـخٍ خـالٍ تطـارد حليـه=شوق وطرب لهل القلوب المشافيح
بالشو ق يجذبنـي لهـا جاذبيـه=ونسمة هواهـا للظمائـر مفاتيـح
وابعد عن اصحاب العلوم الرديـه=اللي سوالفهم سـوات الذرانيـح