جاكم سفير(ن) للمعاني بمصفوح= من عمق فكره مخرجه من ضميره
يا المستلبه شعره اليوم مسموح= ياخذ ويعطي مع بنات الجزيره
شرع لباب الشعر عنده ومفتوح=والليل يسري مادريتوا بمسيره
خوذوا كلام العود والعلم مشروح= والرب عالم والعذب من غديره
الشعر عنده بالمعاني و مطروح=وما جنبه احد(ن) بالشعر يستشيره
يجيبها رفعه على صوت مبحوح= وتصبح بيوت(ن) تنقري له غزيره
لو كان له في واقع الامر مصلوح= غنا بها في كل وادي وديره
ابرا من اللي بالحرم تصدح النوح= وانزه من اللي قالوا عنها كبيره
جت له ملاك(ن) تنعش القلب والروح=تشكي مريض (ن) بالهوى مستجيره
قال ارحبي ماينكتب لك على اللوح =وزلي همومك واشربي نضح زيره
انتي شعاع (ن) من سماء الرب ممنوح= دربك بياض ومنفرش لك حريره
قالت كفاني ما انذكر وانت لي صوح = وابقى بامرك طول عمري جديره