الله يهدي خطات القلب ياشينه= قاسي وراعيَته طبعه بعد قاسي
نص الرسايل يبين من عناوينه=وانا عرفت العرب من فطرة احساسي
الشوق غصنٍ يقدم ثمرته لينه=ترى المشاعر تبي ساقي وغراسي
يارب تجبر عزاء الخفاق وتعينه=مافطِن اللي تناسا فطِن الناسي
قلبٍ يحبك حرام انك تخلينه=من كثر اغلاك حطيتك على راسي
صرح الغلا ياحياتي لاتهدينه=تراك سيل العروق وزفرت انفاسي
احسك انك بقلبي لاتعدينه=اجمل عبارة غلا وضلوعي اقواسي
طاريك كمبوديٍ تدمن محبينه= لابن وسط المباخر شِم ويباسي
مادام عندي جميع البيض تسوينه=لاتطعنين الوفاء في رمح جساسي
حير المشاعر نخل وعذوق تجنينه=وانتي تحطبين جذع الغيد بالفاسي
ياليت يمنى المحبه لي تمدينه= حتى النظر ينعكس بخدودك الماسي
وتصير قولت هلابك شي يازينه=نشوة لقاء سلسبيل العشق في كاسي
به تقتلين الجفاء والوصل تحيينه= وحقيقة القرب تذبح بعدك الخاسي
تنحر سنين القهر وتخش في عينه= حتى السهر يترك الاجفان لنعاسي
الله يقطع شهور الهجر وسنينه= ليتك معي في جزيره مابهااا ناسي