رديتني عشرين عامٍ على ويش=غصباعلى تعيدني للجهاله
وانا الذي بعّدت عنها المناحيش=حتى بطاريها تجي في عجاله
ولوجا من الماضي لنفسي مطاريش=صكّت درايشها وقالت سهـــاله
واخجل اذا جايوم بعض التفاتيش=فى الذّاكره والعقل يحرج سؤاله
لوقال يالصاحب لويش الخرابيش=سوّيت نفسي فى التفاكيردالــــــه
ماودّي اذكرماحصل فترة الطيش=بعد دفنت دقيّقه في جـــــــــلاله
ياحلم لوترسل علي قايد الجيــــــش=لوكان يوثق في ركابي حبـــــاله
ولوزارني فى الليل راع العكاريش=واقبل بكاسه مابلغت الثّمــــــاله
فى الفجرماتلحق عليّ المناويش=أمشي لبيت الله والــــوذ بجلاله
وعندي أمل في من حفظ خافق الريش=رغم العواصف ثابتٍ في مجاله

المشاركة الأصلية كتبت بواسطة سفير المعاني (المشاركة 359381) الغالي الشاعر الغواص العشر مباركة علينا وعليك من شهر رمضان والله انه يسعدك بجميع اوقاتك بكل خير واسعدني ان اكون اول المصافحين لهذه القصيده المميزه بما تحمل في ثناياها من ماضي وحاضر ومستقبل وادعي الله ان يحقق امانيك فانت شاعر لك من التميز بالشعر اجزله وصح لسانك وعلا شانك مليون ولايكفون تقبل تحياتي

المشاركة الأصلية كتبت بواسطة بدر الدويش (المشاركة 359388) . . الغواص .. غُصنى معك ْ في بحر الجزاله حتى غرقناا بهااا صح السانك يارائع جل تقديري

المشاركة الأصلية كتبت بواسطة خلف العاطفي (المشاركة 359397) الغواص صح السانك قصيده جزله من شاعرجزل تقبل مروري وتقديري