(النفس دون الضلوع العوج تكفخ كنها الطير)
السلام عليكم ورحمة الله وبركاته أسعد الله أوقاتكم واعتذر عن قلت المشاركات.وقلت التواجد.وهذه أبيات متواضعه بعد هطول الأمطار عساها أن تكون أمطار خير وبركه
لاحت بروق الحيا وامطر سحاب الخير بالخير=أمطر على نجد وأطراف الشمال وشرق عنّا وادنى الجنوب ارتوى والغرب جايٍ له تباشير=له عشرة أيام وعلومه تجي منا ومنا والنفس دون الضلوع العوج تكفخ كنها الطير=تبغا المناهيج لكن عيّت الفرصه تسنا لولا الظروف المقيمه كان بعّدت المشاوير=أدلّه النفس والافكار في صحرى وطنا إما تنصيت حايل حزة اطلوع العصافير=ولا تييمنت لين اضحيت في روضة مهنا ولا وصلت النعيريه قبل توقيتت عصير=ماشوف غير النياق وقطعة اخيامٍ تبنا وطيت هاك النفود اللي تغطيه النواوير=فيها الخزامى يذعذع ريحها والطير غنا ولا نزلت المكان اللي زبيديّه مزابير=متحودبٍ في محلٍ نابتٍ به كل فنا أسج عشرة ليالٍ دافيه في خاطري غير=لين إن منسوب موج الضيق فالصدر إيتدنا هذي مناتي وعبرت النوايا البيض تعبير=مافيه كلامي بوادر شكّه ومدعاة ظنا لكن الاحوال حدتها كتابات المقادير=يالله بحظٍ يفرج ضيقة القلب المعنا ودمتم ساليمن |
الشاعر
علي بن عامر الله انه يسعدك ويوفقك بجميع اوقاتك بكل خير اسعدني ان اكون من اول المصافحين هذه القصيده الجميله والرائعه بكل ما تعنيه الكلمه وصح لسانك وعلا شانك مليون ولا يكفون تقبل تحياتي |
على بن عامر
الله يسهل كل امر وصح السانك تقبل مروري وتحياتي |
الشـاعــر علي بن عامر تقتل االضروف بالحـروف وتعزف لتباريح الألم اعذب الأمـل وتحــلّـق بجناحين / شطرين ونحن نراقب قلوبنا وهي تتراقص منسجمه مع قصيدة من تباريحك صداهـا البراري المحفوفة بـرائحـة الخزامى كن كمـا تشتــهي دائمــاً |
هلا ياسفير المعاني وعاش من شافك يالغالي
صح بدنك على مرورك الطيب وكلامك الراقي وجعل الله الجميع بخير وفي صحة وعافيه |
شاعرنا القدير
صح لسانك ولا هنــــــــــــــــــــت تقديري لك |
تسلم هذه الانامل
على روعة الطرح وجمال الكلمات المعبرة راق لي التواجد هنا بهذا الموضوع المميز لا تحرمنا من جديدك مني لك باقة ورد |
ابو عامر
قصيده ذات معنى صح لسانك |
الساعة الآن 06:07AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية