طُهر البنات المؤمنات العفيفات = مأخوذ من خِيرة بنات الصحابه
زوج الرسول وذكرها حي مامات = ذكراً تعلىَّ فوق حد السحابه
فاق النجوم اللي تطوف المدارات = عالي عن اهل الحقد قدر ومهابه
قدوة بنات المسلمين الأصيلات = بنت الأصول وذكرها مرحبابه
ماضرها ثورة طوائف ونعرات = ولاضرها مغرور غيّه غدابه
الله مبريّها بسابع سماوات = آيات تُقرآ مُنزله في كتابه
كُلاً فهم مضمونها إلا آنت بالذات = مدري غبي وإلا تحب الطلابه
وإن كان ماوخرت ماهي سلامات = ماينفعونك لابسين العصابه
لابد لك من يوم تجني الندامات = يوم أن كلاً منشغل في حسابه
من دون ابو القاسم سيوفاً صقيلات = تذود عن عرضه تفك النشابه
تردع جيوش الكفر وأهل الحكايات = اللي تجيب العلم في غير صابه
قوم السلوم السافله والدعايات = حزب المجوس وخبثها يندرابه
يامُدعي نصرك ببعض العلامات = غلطان من صدّقك وقت الخِطابه
فتش وتلقى وسط ذيك الملفات = تاريخك الأسود يجيب الكآبه
والنصر لاهل الحق وأهل المروات = اللي تدافع عن جميع الصحابه

صافحت ما مدت يدين ٍ جزيلات=من سالم الفهمي قراح شرابه