|
قصيده مهداه للأميره ريما السديري
ياسيدة ذا الزمان وباق الازماني = يامحيية ذكر ابوها دامها حيّه دمتي ودام البقا بطوال الايماني = ياعزوة اللي يسوق الغيث طاريّه عذب القوافي يترجم صدق وجداني= وبيض النوايا تجمّل صافي النيّه مسلم سعودي ورب الكون بدّاني= على كثير البشر بـ اشياء حصريّه لاشك بعض الحراره وسط شرياني= يحرق عليّه شعوري بالاريحيّه من منطلق لاذكرت امجاد جدّاني =ومن منطلق ماسمعت بكل جديّه ومن منطلق ماحكيت لكل صدقاني= في ساعةٍ يذكر الرجّال ماضيّه ساس الزعامه لبوك وصلب بدراني= وبيت الخلاوي يثبّت كلمتي ذيّه لن الثنا مايجي للقرم مجاني= ينصى جناب الحشيم ابدون جاهيّه عامر ضمين العرب ومزبن الجاني= وسم العصا له وثيقة شيخ محميّه خيله نهار العزاوي شكلها ثاني= كنْها قطيع المها في روض وسميّه قصه صداها تعدى سمع الاذاني= ماقلتها من بنات افكار وهميّه لاوالله الاّ الصحيح يقوله الساني= يابنت ابو زيد واطلبك00 المعذريّه |
صح لسانك قصيده جزله من شاعر جزل
وتستحق اختنا لاميره ريما هذه القصيده التي تطاول لـــ شموخها بمعانيها الشامخه دمت بخير |
الغالي
الشاعر ماجد بن رويه كل عام وانت بخير وعيدك مبارك اسعدني ان اكون ثاني مصافح لهذه الشامخه القصيده الرئعه وما تحويه بمن تستاهلها الاميره ريما بنت محمد السديري حفظها الله من كل شر ورحم الله والدها واسكنه فسيح جناته ولن يفوتني ان اقول صورت حقائق واجدت التصوير فانت شاعر متمكن وله باع طويل بالشعر وليس هذا بمستغرب منك وصح لسانك وعلا شانك مليون ولا يكفون وتقبل تحياتي |
الشاعر
ماجد بن رويه صح لسانك وتستاهل ام نواف الله يشفيها مما آلم بها ويلبسه ملبس العافية يارب |
ماجدبن رويه\
ونعم باالعزوه اللي انت منها\وصح لسانك قصيده لهااسبابهااتت بقوه من مطلعهاابدت باال رهب وخُتمة باال رهب وبنت ابوزيد يكفيهافخرسيدالنبلاء محمدالاحمدالسديري ورب الكون ليس تملقً لاكن الحقيقه تبقى الحقيقه طبت ياماجد |
الشاعر
ماجد بن رويه صح لسانك وتستاهل ام نواف الله يشفيها تحياتي |
ماجد
تسلم على اهداءك والاميره تستاهل صح لسانك |
الشاعر ماجد بن رويه صح السانك تستاهل اختنا الشاعره الأميره رهب لاهنت |
| الساعة الآن 09:12PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية