جيب ومشلح
الاحبه من جديدي لكم
مع كل تقديري لهذا الموقع واهله |
البارحه يوم ان نصف الليل طرٌف وانتحا = قامت هواجيسي تجيب امن القرٌيب والبعيد دنيا تدور اسنينها تدوراتها مثل الرحا = العام كنه ها السنه ماعاد به شيا ً جديد تلحني دنياي لح السيل لا اعطا مع نحا = ما اقدر على صدماتها لو جت اعظامي من حديد اما يجيني همها با الليل والا بالضحا = واصبح ملازمني ملازمت البلاده للبليد ودي بقلب ً سالي ًلاجل اني اطرب وامرحا = وابحث عن الشيخة واعزم اهل السذاجه با القصيد واقول انا جدي وجدي كان يصلخ يذبحا = واخذ سوالف غير جدي لاجل جدي يستفيد يانعنبو بعض العلوم اللي تجي ما تصلحا = لاقامت الاقزام تبحث عن بروز بلا رصيد العود يبقى مازينه مادام يستره اللحا = لكن ابه عيدان مافيها لحا مثل الجريد والله ثم والله ما امدح واحد ً مايمدحا = لو هو عطاني مال ميكروسوفت واموال الوليد ياللي تبون الشهره ابجيب جديد ومشلحا = تريحوا لا تتعبون ومركز الشهره بعيد لكن شوفوا شهرة ً سهله مثل شهرة جحا = لعل منكم واحد ً من ها النصيحه يستفيد امن اولا ً مافيه شي ً غالي ً مثل اللحا = تكفل ارقاب وتطلق ارقاب ً وتفعل ماتريد واليوم راحت ماتساوي شي والقدر انمحا = ياليتها مازينة وجه المشفٌح والمريد راحت وجيه ً كان يملاها الوقار امن السحا = وكثرت وجيه اللي سواد الوجه عنهم مايحيد يفيدها اللي ميت ًحظه وقلبه ما صحا = فيده اليا فادواارجال الطيب جعله مايفيد بعض المسائل واضحه مافيه داعي نشرحا = هذا الوكيد اللي يريده من يبا العلم الوكيد |
|
الغالي
الشاعر المهدي بن تركي الله انه يسعدك ويوفقك بجميع اوقاتك بكل خير ولقد اسعدني ان اكون اول المصافحين لهذه القصيده الاجمل من جميلة والاروع من رائعه بما تحمله من معاني وتصوير لما يصير وصح لسانك وعلا شانك مليون ولايكفون تقبل تحياتي |
واقـــول انـــا جـــدي وجـــدي كـــان يـصـلـخ يـذبـحـا **** واخــذ سـوالـف غـيـر جــدي لاجــل جـــدي يستـفـيـد يانعنـبـو بـعـض العـلـوم الـلــي تـجــي مـــا تصـلـحـا****لاقـامـت الاقــزام تبـحـث عــن بـــروز بـــلا رصـيــد الــعــود يـبـقــى مـازيـنــه مــــادام يـسـتــره الـلـحــا****لـكــن ابـــه عـيــدان مافـيـهـا لـحــا مــثــل الـجـريــد والله ثــــم والله مـــــا امـــــدح واحـــــد ً مـايـمـدحــا****لـو هـو عطانـي مـال ميكروسوفـت وامـوال الولـيـد يـالـلـي تـبــون الـشـهـره ابـجـيـب جـديــد ومـشـلـحـا****تـريـحــوا لا تـتـعـبـون ومــركـــز الـشــهــره بـعــيــد صح لسانك ولاهنت جزله من راس جزل بالفعل مركز الشهرة بعيد جبتها على الجرح والله انا افداك دمتم بود وتقدير مع تحياتي مارد عبقر |
قصيدة فاخرة ورائعه وصادقه بما تعنيه صح لسانك |
الساعة الآن 05:38AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية