ياشوق قلبي شوفتك تبري الروح =ودنياي تقبل بالفرح والمسرات
ياداعج العينيين اسمر يامملوح=غلاك في قلبي تعدا المسافات
حالي بدونك كله هموم وجروح=عايش حياتي ضايعن في متاهات
لاني كتمته في حشاي ولا ابوح=سر الغلا بالقلب يروي حكايات
أضحك وانا في داخلي قلب مذبوح=وأنسا خطاك ليا حصل منك سايات
ليلي عذاب ٍ كله اقضيه في نوح=يهل دمعي والصدر فيه عبرات
افعل حبيبي مابدالك ومسموح=عهدن علي أعطيك ما اقول انا هات
عمرنٍ بدونك مالنا فيه مصلوح=ماابغى حياة ٍ كلها فراق وآهات
وهذا كتابي بين يديك مفتوح=فيه النهاية عشق مثل البدايات
ولاجاك علمي داخل القبر مطروح=إسهر على الذكرى وقل صاحبي مات

المشاركة الأصلية كتبت بواسطة عاشق (المشاركة 14047) اسماعيل العقيل صح لسانك ولا هنت تحيات لك