سوالف عطر من بوح القصايد والشعور أبيات=تولّعني على شوق الحروف وصفحـة كتابـك
صحيت بصوت خلجات المشاعر رغمها بسكات=توقضّني على جمر المعانـي ونظـرة عتابـك
نسيت الجرح ودروب الشجون وسكّة الآهـات=نسيت الضيق وأحزان الوجوه بلمحة أهدابـك
لقيتك حب ما ذقته بليالـي عشتهـا بشتـات=تنفّستك دفا حضن الضلـوع وضمّـه ثيابـك
ولهتك موت يالعذب الحنون ونسّني مـا فـات=أبي قصة عشق تحكى ولا ينسونهـا أحبابـك
تعبت أعزف على لحن المسافة والدروب أوقات=أداعب غيمة الفرقـى حبيبـي ملّـت غيابـك
رسمتك حلم ياوردٍ نبت فـي داخلـي باقـات=تسامرني ملامـح هالغـرام وريحـة أطيابـك
طواني حزن يجتاح الفـؤاد ويخنـق اللـذات=وذا بَعدك سكن نبض الخفوق إحساس يحيا بك
حبيبي مارحم كف المدامـع صافـي العبـرات=بعد صمتٍ سكن عين الشواطي قبـل يقرابـك
عطيتك عمر من بدّ الخلايق ما يبيلـه إثبـات=يسابقني على درب الخطاوي لا وصـل بابـك
كتبتك حرف من سهد النواظر يالغـلا بالـذات=عطيتك عذب قطرات القوافي لجل ترقـى بـك
تباطيتك وله يـوم الأمانـي ملـت الخطـوات=وأشوف إن الزمن راضي حبيبي يوم لي جابك

المشاركة الأصلية كتبت بواسطة ريف النشاما (المشاركة 318392) تباطيـــتك ولــــه يوم الأمـــاني ملت الخطــوات ...................وأشوف إن الزمن راضي حبيبي يوم لي جابك نجدالضاوي ما اروع الكلمات عندما تصاغ شعرا ابدعتي بحق فعلا ابحرت فيها بكل ما تحمله من أحاسيس و معاني صح لسااانك ولا هنتي ابداااع منقطع النظير لله درك يا الشامخه رحلة محب بين متاهات العذاب و رسمة فناااان اجمل في زمن الابداااع تحياتي يا نجد الضاوي اخوك ريف

المشاركة الأصلية كتبت بواسطة خلف العاطفي (المشاركة 318410) بكل بيت صورة جميله لتتسلسل الابيات بتركيب متزن يشكل لوحه شعريه مبدعه ممتعه فعلا ابدعت وصح السانك نجد الضاوي حضور متميز رغم الغياب بانتظار ثمرات غيابك فكوني قريبة منا