في ذمة الله
هذه هي محاوله اولى بعد فقدان اخي مرزوق رحه الله واسكنه فسيح جناته
في يوم الجمعه الموافق1/10/2010م والمعذره ان لم تكن غير شافيه حيث ان المعاناة احيانا تكون اكبر من الكلمه ...
امنتك الله بيدي يوم حطيتك= في قبرك اللي سكن فكري ووجداني نزلت قبلك على لحدك تلقيتك=ماكان جثمانك ..الا كان جثماني ودعتك باخر النظرات في بيتك=وحسيت كني بعد فرقاك وحداني بكيت وابكيت من حولي وخليتك=في ذمة الله وحده مامعه ثاني وقفت ماني مع العالم.. وحسيتك=تقول خلك على خبري على شاني جوني يعزون مايدرون عزيتك=في فرحتي من قبل موتك بكتماني مرت سنه حابس العبره اليا جيتك=لامن صوتك بنبرة ياس حياني ماهي مجرد دموع الحزن لااطريتك=لكن.. شعرت بفراقك طاح بنياني ياخوي ياوجد حالي لاتمنيتك=بالموقف اللي حضر في ضيقي اخواني من فوق رجم العنى جالس وناديتك=ياليت تأخير ذاك اليوم بامكاني لكن بحكم القدر ميقن ولفيتك=وسط الكفن مانقص من حزني ايماني الله يبيحك رحلت وباقيٍ صيتك=سيره نبيله وطيب الذكر عزاني لعل مسكانك الفردوس .. ياليتك=لامن خشعت بصلاتي تمتم لساني |
على المبرد
في رثاءك الآخوة لا يسعنى إلا قول رحم الله أخاك وأجعل مثواه الفردوس وأثقل الله ميزانه عند الحساب حفظك الله |
على المبرد صح السانك شاعرنا القدير الله يغفرله و ماتقدم من ذنبه وما تاخر الله يجبر مصيبتكم |
الغالي
الشاعر علي المبرد الله انه يسعدك ويوفقك بجميع اوقاتك بكل خير واحسن الله عزاك باخيك رحمه الله وغفرله مرة اخرى وما قصرت رثائيه اخويه من قلب صادق وصح لسانك وعلا شانك مليون ولايكفون تقبل تحياتي |
أبكيت منا المقل ياعلي
فالدايم الله دعوت الله أن يفرح قلبك بلقاه في جنة عرضها السموات والأرض فجمع في دار الخلود يا رعاك الله وصح لسانك مليون طال عمرك حفظك الله ورعاك |
اقتباس:
جزاك الله خير والف شكر لك دمتي بخير |
علي المبرد رحم الله اخوك
قصيده نابعه من حزن موجع نسئل العلي القدير ان يتولاه بواسع رحمته مودتي |
يـــاخــــوي يـــاوجــــد حـــالــــي لاتـمـنــيــتــك بالموقف اللي حضر في ضيقي اخواني مـن فـوق رجــم العـنـى جـالـس وناديـتـك يـالــيــت تـأخــيــر ذاك الـــيـــوم بـامـكــانــي لــكـــن بـحــكــم الــقـــدر مـيــقــن ولـفـيــتــك وسط الكفن مانقص مـن حزنـي ايمانـي الله يـبـيـحــك رحـــلـــت وبـــاقـــيٍ صــيــتــك ســيــره نـبـيـلـه وطــيـــب الــذكـــر عــزانـــي لــعــل مـسـكـانـك الــفـــردوس .. يـالـيـتــك لامــن خشـعـت بـصـلاتـي تـمـتـم لـسـانـي علي المبرد أبيات ابكت القلب قبل العين الله يرحمه ويغفر له ويرحم أموات المسلمين تحياتي لك |
الله يرحمه ويتغمده في واسع رحمته ويجمعكم في جنانه
ورزقك الصبر والسلوان وصح لسانك |
الشاعر القدير علي المبرد !
رحم الله أخيك وغفر الله له وجمعك به في جنّات النعيم إنه على كل شيء قدير أبياتك جعلتنا نلوذ بالصمت المبلل صح لسانك ودمت بحفظ الله ورعايته |
الساعة الآن 06:28AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية