بين رعشـات الحقايـق وإبتسامـات الخيـال=وبين دمعـات الليالـي واختفـاءات الدمـوع
وبين همسات الحكاوي وإنجرافـات السـؤال=وبين أحـلام وأمانـي وانتظـارات الرجـوع
وبين تفريـق المشايـخ بالحـرام وبالحـلال=وبيـن تهميـش المعنّـى امنياتـه بالطلـوع
كل مافاتـك وشفتـه إحتمـال فـي إحتمـال=وكل لحظة في بعـادك قـد تـؤدي للخضـوع
شـف قصيـدي ياحبيبـي مايقـول إلا تعـال=وشوف خفاقـي بجوفـي ياحبيبـي إمخلـوع
كنـت نجـمٍ لالمحتـه زان لـي جّـو الليـال=وكنـت يـوم لاذكرتـه ماذكـرت إلا الربـوع
وكنت برقٍ شاع نوره معتلـي فـوق الجبـال=وكنت حكيي لاسمعتـه ماأقـول إلا .ياطـوع
وكنت /وكنت/ وكنت /وكنت ولايهونون الرجال=بقـدر الفيـن رجـل مالهـم أصـل وفـروع
بعد هذا.. وكل هذا .. تبقـى إنـت وماتـزال=وسط عيني /وسط قلبي /مسكنك بين الضلوع
(سيّدي.. ماذا دهاكا .. يال هذا الصـد يـال)=وأنت عارف إنك أنته بيـر وصلـي والنبـوع
لارسـالـه /لاجوابٍ/لاهـلابـك/ لاأتـصـال=ماني والله ياوجودي خابرك شخـصٍ قطـوع
لاتقاطعني وترحـل وتقطـع حبـال الوصـال=ولاتخلينـي وحيـدٍ منهمـل كلـي دمــوع
تكفى يانبع القصايد ..إنت عنـدي رآس مـال=وإن خسرتك ياوليفي إنطفـت كـل الشمـوع
مدري عقبك وش بلاني صابني طيش وهبـال=كني طفلٍ لو عطيته أي شـي يضحـك قنـوع
من بعادك من فراقك صرت أفكـر ف/أرتحـال=يم شيخٍ لانخيته (( سما بإسـم الله فـزوع))
وإنطلق معـه النشامـا فـازع لـي مايبـال=مادرى بإنـي لفيتـه منصفـع كبـدي تلـوع
كاره الدنيـا بسبايـب سيـد نجـد والشمـال=ِسيد قلبي / ِسيد روحي/ سيدي من كـل نـوع
جـادلٍ لامـن تحكـى ذوّب أطـراف التـلال=لو همس فإذنـي كلامـه قبـت الدنيـا زروع
الحبيـب اللـي إلا أقبـل ماتقـول إلا غـزال=أسعد أيامه ياربـي صاحبـي زيـن الطبـوع
لو طلب مني سؤال جيتله بأصعـب سـؤال.؟=هل تبي تعلن رجوعك وإلا مافيها رجـوع.!
تكفى يانبع القصايد إنـت عنـدي رآس مـال=وإن خسرتك ياحبيبي إنطفـت كـل الشمـوع