زهر النفل والخزاما ونفح يشمومه/أمس احتفل بين شفتها وكفيها/ جديدي لكم
بسم الله الرحمن الرحيم السلام عليكم ورحمة الله كثير من الأحباب عاتبني على قلة حضوري الفترة الماضية بالذات في غرض الشعر الوجداني خصوصا بعد طرحي لـ ثلاث قصائد اجتماعية متتالية وكان عتابهم الحافز الرئيسي لكتابة هذه المتواضعة وهي اهداء لكل من قرأ لـ أحمد المنتشري ( بوح القصيد ) وعذرا اذا لم ترتقي الى هامة ذائقتكم المميزة .. مدخل ياهيه يا هيييييه يالحن الحياه نامت سوالفي معاه لبيه لبيه يافرحة لقاه والورد يهيدها رضاه فالروح تعشق ريحته والعين يجذبها الجمال والنفس تذبح غيرته والقلب ينساها محال هنا صفاتك من زمان وانت هنا بهذا المكان على شواطئ ناظري ودايم معي في خاطري نعشق سوا ونبحر سوا هناك في بحر الهوى نذوب في سجة خيال ونعيش في ظل السؤال..!! متى يجي يوم العناق..؟؟ ونرتاح ياطول الفراق ياطول ليل البارحة وانا ظنوني سارحه عنك بعيد وانا انتظر يوم جديد واضم انفاسك هنا انتِ فقط انتِ وانا بين الحنايا والوريد واشوف شاطئ لهفتك وامسح بكفي دمعتك ونقول للفرقا خلاص اليوم جا يوم القصاص ويضمنا كوخ صغير يحمينا عن نظرة حقير ونعيش في خير وغلا ولا علينا من الملا انتِ فقط انتِ وأنا نامي ملئ جفنك حنان وارتاحي في هذا المكان بين الحنايا والوريد والنبض بإحساسك يزيد انت فقط انتى وأنا ياهيييه ياروحي أنا ياهيه ياروحي أنا (( شموخ الثريا ))
نامت سواليف قلبي واهتنى نومه=وارتاح بعد العنى واسقيت ضاميها ياريحه الورد والله الورد ما الومه=دامه يضم الملاك وحاضن ايديها يتوه في عالمك ويشاطرك نومه=والبرد لا صار بخدودك يدفيها ياحظ هالورد حقق اجمل حلومه=وانا وقلبي مع الأشواق في تيها تدرون وشصار ياسعده بمغرومه=والغيره في خافقي بانت مواريها زهر النفل والخزاما وريح يشمومه=امس احتفل بين شفتها وكفيها حتى غدى ثغرها والشهد مختومه=جنه من العطر والغرة تفييها الله ياعطرها اللي فاح مشمومه=ارتاح في كفها وعناق خديها الفل في جيدها والعقد منظومه=لا سولفت زيزفونه في حكاويها يصغى لسولافها ويثرثر اعلومه=يذوب بأنفاسها ومهامس اذنيها تخيلوا الورد من حبه لمحرومه=غطاها من راسها لأسفل مواطيها وكل من شافها يضيّع اسلومه=تصبح امانيه لو كلمه يحاكيها ملاك في زينها بالناس معدومه=الغيد من حسنها ضاعت حلاويها فيها شموخ الثريا والمع انجومه=تامر وتنهي وتزعلنا ونرضيها حتى لها بالدلع بصمات موشومه=خطوة وضحكه ومعزوفه تغنيها جو يسألوا قلبها عن سر مكتومه=منهو سكن مهجته واحتل عاليها.؟ ردت بجمله عذوبه حيل محشومه=يالبا منطوقها /ولبا مباديها خلي فديته عسى يومي قبل يومه=الروح قمة غلاها في مهنيها هذا حبيبي وفيه الروح مغرومه=روحه وفيه وروحي عند وافيها لاشفته انسى عذاب العمر وهمومه=واعيش معنى السعاده لأجل معطيها يفز قلبي وله ويذوب بحلومه=اذا ذكر غيبته واشلون يقضيها نامت سواليف قلبه واهتنى نومه=لأنه بعيني بهالدنيا ومافيها مخرج يالبا هالطله يامرحبا بالعيد بعيوني اي والله هامة غلاك تزيد شعر احمد المنتشري بوح القصيد 8/8/2010م وكل عام وأنتم بخير |
الغالي
الشاعر بوح القصيد كل عام وانت بخير والشهر مبارك عليك واسعدك الله ووفقك بجميع اوقاتك بكل خير وعذرك مقبول وما غاب من حضر سرني واسعدني ان اكون اول المصافحين لهذه المجموعه الشعريه الرائعه والراقيه باسلوبها وتصويرها من شاعر متمكن وله باع بالا بدع وصح لسانك وعلا شانك مليون ولا يكفون وتقبل تحياتي |
نص جميل
وذوووق رفيع دام نبض قلبك لروحك السعاده |
كل عام وانت بخير
بوح القصيد ماشاء الله مبدع لله درّك أرويت ظمأ القصيد بأبيآتك تحياتي لك ونطمع بالمزيــد . |
اقتباس:
كل عام وأنت الى الله أقرب اخي الحبيب اشكر لك هذا العروج الشامخ بمتصفحي فصح قلبك ونبضك وكلك ولا هنت دمت ودام نبضك وتواصلك ارق التحايا لك |
اقتباس:
اختى الكريمة / مسرعة بشويش الجمال في اطلالتك العطرة هنا دمتودام نبضك وتواصلك ارق التحايا لك |
بوح القصيد
لوحه راااائعه من ألوان القصيد أهنيك على جمال شاعريتك وننتظر الجديد من شعرك الوجداني تحياتي لك |
الساعة الآن 02:07PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية