|
انا ملامح حزن في هيئة انسان
جيتك على شوفك شفوقٍ و ولهـان=بالمختصر مااقـوى بعـادك دقيقـه ودي ابين لـك ولـو كـان ماكـان=ماكلـف الانسـان مـالا يطيـقـه اشوف انا ينبوع حبـك وعطشـان=ضامي حنانـك يطلبـك بـل ريقـه انا بدونك عيشتـي كلهـا احـزان=وصدري من الاهات يـزداد ضيقـه والقلب نبضه يشتكي جور حرمـان=وعيونـي الذبلـى بدمعـي غريقـه انا ملامح حزن فـي هيئـة انسـان=وانا الحـزن فينـي تمهـد طريقـه كل البشر تعشق وانا بزود عشقـان=مانيب ابالغ ميـر هـذي الحقيقـه مانيب احبك ياحياتـي علـى شـان=حب المصالـح او تكونـي صديقـه على الشرف واعطيك للقول برهـان=اسمك مع اسمي ينكتـب فالوثيقـه ابغيك نقضي باقـي العمـر خـلان=حبيبتـي كلـك مشاعـر رقيـقـه ولامن سألتيني من آيـات عربـان=ربعي الدواسـر والقبيلـه عريقـه الاد زايد يـوم زوغـات الاذهـان=من سمع عزوتهـم تزايـد شهيقـه ويوم الرخا لضيف والجـار كرمـان=خطلان الايدي والحواجـب طليقـه ومع الخوي وافين من ماض الازمان=ياسعّد منهـو ولـد عمـي رفيقـه هذي حقيقه صادقه قلـب و لسـان=للمـوت احبـك دون كـل الخليقـه وان ماحصل لي مطلبي والجفا بـان=حـرام قلبـي ماتطـبـه عشيـقـه |
والنعم بالدواسر
فيصل بن جزاء صح السانك وان شاء الله تراجع الاحوال في اقرب وقت لاستخراج كرت العائله :d تحياتي,, |
أهلا بالقصيدة التي أتت بك إلى هنا ..
عتبي على الغياب ثم تحيتي لك على هذه المصافحة الجميلة.. سلمت وطابت أيامك برضا المولى.. :: : |
اقتباس:
وصح بدنك من الساعه 6 وانا هناك اتقهوى لما يداومون:yasser: مرورك شرف لي يـ خيالها مدائن الورد والود لـ قلبك |
اقتباس:
وعتبك على راسي والله لكن عذري اني كنت مريض وابتعدت عن النت لفتره والحمدالله على كل حال تشرفت بحضورك الفاخر مدائن الورد والود لـ قلبك |
فيصل مرحبا بك
ونص يشفع للغياب صح السانك ولا تحرمنا من الجديد |
صح لسانك يابن جزاء
جزله ونعم فيك يالدوسري وكل عام وانت بخير |
صح لسانك
ونعم با الاد زايد خطلان الايادي وبيض الله وجهك على القصيده الجزله يالدوسري .. تحياتي عبــــــــــير الـــــــروووح |
الغالي الشاعر فيصل بن جزاء الشهر مبارك وكل عام وانت بخير اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الاجمل من جميله والاروع من رائعه والله ينولك مرامك ويبعد عنك الهم والحزن وصح لسانك وعلا شانك مليون ولا يكفون وتقبل تحياتي |
اقتباس:
البقاااا ياخلف ولاهنت على مرورك الكريم وصح بدنك يالغالي تقديري واحترامي |
| الساعة الآن 08:54AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية