|
ادخل لتعلم مابهم<<<<رايك لواقع نعيشه او نراه
السلام عليكم ورحمة الله وبركاته ... لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو ... و وين تلاقيه ..... !! ؟؟؟ فحوى الرساله : - إن اللي تبي الدلع تاخذ لبناني واللي تبي الكلام الحلو تاخذ سوري واللي تبي مدري إيش تآخذ ..... واللي تبي مدري إيش تآخذ ..... واللي تبي الأجر تاخذ سعودي. عاد الأخيره هي الشاهد .... :: :: معلومه أفتتح فيها رسالتي: أنا من بيئة زراعية تؤمن أن الأرض الطيبة ... تعطيها ... تعطيك .. وكثر ما تهتم فيها ... يكون الثمر أطيب ..... :: :: :: إلى كل إمرأه سعودية تعتقد أنها مأجوره لأنها ماخذه زوج سعودي..... إلى كل إمرأه سعودية تعتقد أنها فاقدة الدلع مع زوج سعودي..... إلى كل إمرأه سعودية تعتقد أنها فاقدة الرومنسية مع زوج سعودي..... إلى كل إمرأه سعودية تعتقد أنها فاقدة الكلام الحلو مع زوج سعودي..... إلى كل إمرأه سعودية تعتقد أنها مظلومه عاطفيا لأنها مع زوج سعودي..... إلى كل إمرأة سعودية تبحث عن زوج حق دلع ولا كلام حلو...... :: أختي الفاضله: إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بالحظة، وأجيبي عن الأسئلة التاليه: صباح الأمس الباكر؛ من أيقظ زوجك للعمل؟ أنت أم الساعة المنبهه؟ إذا كانت الساعة؛ أين كنتي؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟ بعد أن استيقظ، ودخل الحمام للدش؛ هل وجد حمامه جاهز؟ لما خرج والأمل يحذوه في وجبة إفطار؛ هل كنتي جهزتي له إفطاره؟ (ولا كوب قهوه وكيكه على المكتب) قبل أن يخرج للعمل؛ من أين أخذ ملابسه؟ (من بين يديك ولا من الدولاب) هل ساعدتيه في لبسه؟ (وكشختيه وعطرتيه) بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي: 1- خرج وأنا نايمه. 2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه. 3- كنت جالسه بالصاله، وهو خارج قلت له لاتنسى الأغراض اللي وصيتك عليها. 4- رافقته للباب، وكان وداع حار. ( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!) لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام وياخذ دش؛ (كرري السؤال حق دش الصباح). بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك) الآن يبي غفوه قبل الغدا، هل ساعدتي على توفير الجو الهادئ؟ لما صحي؛ هل وجد الغدا جاهز ولا هو اللي جابه معه من المطعم؟ بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟ الآن فتره مستقطعه إلى الليل، وشلون قضيتوها؟ بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟ خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟ وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه) بإختصار لكل الأسئله السابقه: هل كنتي أنثى مع زوجك السعودي وعيشتيه جو زوج وزوجه؟ طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها. إلى كل إمرأة سعودية تبحث عن زوج حق دلع ولا كلام حلو: ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها. كم مجوع الدرجات اللتي حصلتي عليها؟ 0% ولا 10% ولا 50% ؟ النهاية هل ضربة على وتركِ الحساس وانت مارايك وانتِ ومارايكِ بتلك الحقائق |
أخي الفاضل ظل عابر موضوعك تعاكسي لان المعاملة بالمثل بين المرأه والرجل ولكل قاعدة شواذ وفي المختصر لو أقتبست موضوعك وعدلت من رجل سعودي إلى إمرأه سعودية أتعلم أخي الفاضل أن سلمان العودة في أحدى حلقاته (الحياة كلمة) وصرح أن مجتمعنا يحتاج إلى دراسة نفسية وعقد صلح بين نساءه ورجاله لانهم ينشغلون باطلاق النكات على بعضهم ومع ذلك لا يستغنون عن بعض . موضوع جدي فعلا" ويحتاج إلى صراحه في الحديث ظل عابر لك تقدير بحجم السماء :thumb: |
اقتباس:
شكراً زمان العجايب على ردكِ كلام وجيه وكلام الشيخ حلو ولكن الكلام كله هناعن المراه ومايصلح تحطين الرجل في هالمقام لانها بلأصل هي اللي تشتكِ هي تملك زمام الامور وتقول بكل بروده وثقه ما اقدروهوناشف ومن هالكلام وبصراحه الكلام المكتوب صدق طلع الحقائق كيف تقول وين الكلام الحلو وهي ماتعرفه علمن ان الرجل احلى في خلقته ولكن الرجل ينتظرالمبادره ليجعل نارها جنه |
من وجهت نظري انها ليست فالنساء عموماً بل قدتكون في شريحه قليله منهن ,, وهذا يعود بما نسميه بـ( الاتكاليه ) اي المراءه وذلك لوجود الخادمات فالمنزل فربة البيت استعانة بالخادمه في شؤن كثيره من غسيل وتنظيف وغيره وقد تصل بها الى ان الخادمه هي من تطبخ الاكل بل وعلى ذوقها ... نسأل الله العفو والعافيه.. شكراً على طرحك للموضوع .. |
كلام واقعي
100% لكن لا يشمل كل النساء يشمل فئه معينه منهن لكن حبيت اوضح نقطه الا وهي ان بعض الازواج والزوجات هداهم الله هم من يجعل الطرف الاخر يتعمد التقصير في الامور الحياتيه بينهم بسبب تصرف معين او اهمال من احدهم .. ولكن لو وجد الود والاحترام بين الطرفين لاستمرت الحياه بينهم باجمل مايكوووون ...... ظل عابر تشرف بتواجدي بمتصفحك .. تحياتي عبير الروح |
إذا كان لي من التعليق على هذه الرسائل المتداوله بين السيدات فـ بالمقابل هناك رسائل بين الرجال
وتسخر من السعوديه بشكل خاص والخليجيه بشكل عام ... قد تكون تلك المسجات ردة فعل لما يحدث في الضفه الآخرى وقد تكون مشكله زوجـيه تخلق تلك المسجات السامجه بالاصل المختصر في الحديث من أسمى مايحدث بين الزوجين الأحترام و التقدير وكل طرف عليه وله حقوق و واجبات تحياتي لك |
أخي / ظل عابر
نسيت الطامة الكبرى ما قلتها لكل سعودي ( زوجة ) ثانية وهي الخدامة أنت أصبت الواقع وناهيك عن سيدات الأعمال / المسترجلات / مهايط الحريم في مين الأفضل أقول ظل الله يخليك خلي الطابق مستور السعودية والسعودي يبغا لهم دراسة وإعادة هيلكلة في الإنسانية أولاً والفخره الكذابة والخافي أعظم دمت بخير |
اقتباس:
اهلابك يامجرمـ حرفـ كماقلت الدعوه اتكاليه وليس بعظهم بل اغلبهم من يكون على هذا النحويسبو ولايرومافعلواولاً بل الصنع لغيرهم ويريدون المدح منهم |
اقتباس:
اهلاً بأعظم السيدات مااجمل ان ينطق الحق هنا سيدتي عبيرالروح كلامك منطقي ولكن اود ان اوضح لك شيء الا وهو...ان الرجل كالعجين ان احسنتي تخميلها احسنت مذاقها وان افسدتيها فأفسدة ماحولها بمعنا الكلام كله بيد المراه فالرجل يكون حيث تريد ولكن با الافعال مع حسن الاقوال هنايكون طيف وشكراً لمانثرتي هنا ياسيدتي |
اقتباس:
ههههههههههههههه اهلاً بسيدة الصراحه والله صدقتي صارالرجل متزوج ثنتين بس اللي يقهرني يبغون المدح من شغل غيرهن والله ماصارت اماسيدة الاعمال المهايطيه هذا شغلهالحال تقول وماتفعل اماعن التأهيل اصبتي بس المؤهل المراه لان الرجل يحتاج لتطبيق اولاً لفهم ماتحتاجه ليكن كماتريد ومانقول الا الله يتوب على الكذابين في رمضان ومايكذبون مره ثانيه تحيتي لروحكِ ياسيدة الصراحه |
| الساعة الآن 02:50AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية