الاتصال متاح مع هياء
صباحكم / مساكم خير السلام عليكم ورحمة الله وبركاته أعزائي الاعضاء الكرام هياء زميلة لي بالدراسه خلوقه جدا وطيبه القلب حصلتها من بعد غياب لفتره طويله متاح معها بالمسن خشيت عليها وسلمت وقلت وينك قالت انو جوالي اختفى مع محفظتي وكان رقمك موجود ومادري كيف اتواصل معك طبعا اخذت رقمها وكلمتها وجلسنا نسولف حسيت بصوتها غصة حزن قلت ووووشفيك قالت سبحان الله انتى تعرفين انى تطلقت انا واختى في نفس الشهر وتعرظنا لظروف الله يعلم بها وامي تعبت كثير علشاننا تقول مره من الايام كنا مجتمعين في بيت عمي الكبير جلسنا نسولف ونضحك والامر طبيعي جدا فجاءه عمتى قدام الجميع قالت لى متى وانتم مطلقات ما شفتوا انكم طولتوا انا ضحكت وانا بلحظتها اكبر كذابه بضحكتي الصفراء واختى نفس الحاله رجعنا للبيت ما اكلم اختى ولا اختى تكلمني كل وحده دخلت غرفتها وانفجرت بالبكاء وصليت وقلت وانا ساجده للحليم يارب ياحليم عبيدك يشمتون بي ما قسمته لي وكررتها مرررا وانا ابكي تقول بعد اربع ايام طليقى تاب الى الله وانه اصبح باحسن حال وانويبي يفتح صفحه جديده واختى بعدي بااسبواع طليقه جاي يرجعها وبمهر جديد علشان خاطرها وامي فرحت علشاننا والحين اكلمك وانا في بيتي تقول صحيح انو انجرحنا قدام العائله في بيت عمي لكن دواء الله كان اسرع كان بكاي والحاحي بالدعاء الى الله كان بسبب هداية طليقي وجاي يرجعنا وموافق بكل شروطي اثلج الله على صدري كثيرا ع فكره اعجبتني فلسفتها لما تقول خيره جرح عمتى قدام العائله ربي اجبر بخاطرنا حتى شروطنا تعجيزيه ووافقوا عليها ..... <<<< كنت منزله عيوني بالارض وبكيت كان باسلوبها وسرده للحدث مبكي بصوتها :(1 تقبلو باسلوبي المتواضع وخطي البسيط :r: |
نظرة حقيرة للمطلقة ؟ لا زال مجتمعنا يتخبط بتراث المفاهيم الخاطئة الله يوفق هيا وأختهااا ويسعدهم يارب ومن توكل على الله فهو حسبه لينااا كوني بالقرب من هيا واختهااا:r: وفق الله |
والمهم انهم يحبون بعض ..... والطلاق شيء عادي مافي نقيصة ..... ولايلتفتون على احد اهم شيء يكونوا كما قلت يحبون بعض ومنسجمين ...... والله يوفقهم |
اقتباس:
هلا بالغاليه زمان العجايب اكيد نحن محطين بمجتمع نظرته للمطلقه نظره دونيه وللاسف باذن الله اكون بالقرب دمتى بودياغلاي:r: |
قال تعالى (واذاسألك عبادي عني فاني قريب أجيب دعوة الداعي اذادعان )
وقال تعالى (ادعوني استجب لكم ) الله يوفقهم ويعافيك لينا رديت علشان هي على اسمي |
ماحدث لها طابع تجديد في علاقتها مع الله أولا ومع حياتها الزوجية ثانياً
وماحدث من عمتها قد يكون من باب الحرص على مستقبلهن ليس من باب التشفي شكرا لينا |
الطلاق ماهو عيب
ولاهو لتشفي ومن يشوفه كذا لابد ترجعله سبحان الله مازال فيه ناس اساليبهم عديمة احساس الحمدلله ان ربي وفق هيا واختها والله يتمم عليهم ويوفقهم قصه واقعيه مؤثره شكرلك يالينا دمتِ بسعاده |
الساعة الآن 03:56PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية