|
عملت عصيده من الرطب
السلام عليكم ورحمة الله وبركاته خلونا نعيش احلى مافينا من واقع ..... والتصنع قتل للنفس وسلب اسباب السعاده .... مافي بيت يخلى من الخدم ... الوناسة والفرفشة ... انا اصنع كيانها ... والعفوية وبدون مكياج في اي عمل ... هو احلى مافي ايامنا ... والرتابة قتل بطيئ لنا ... شوفوا الناس قتلها الملل ... لأنها ماتعيش واقعها .. كأنهم آلات .. تتحرك بأوامر ماتملكها ... ليش احبس نفسي بين جهاز وجهاز ليش احبس نفسي بين اثاث واثاث ليش احبس نفسي بين لباس ولباس ليش احبس نفسي بين اتكيت واتكيت ليش احبس خطواتي بين جدار وجدار ... ليش لبست طوق التقيد والرسميات وانا في بيتي ... حتى الأطفال اصبحوا دمى في المنازل .. كل حركة محسوبة عليه .. يكفي كل يومه يعيش في احضان الخادمة هي تلبسه وهي توكله وهي تغسله .. مارضع حنان الأم ووجدانها ... رضع الهندام رضع صور بدون ارواح .. وين انا شطيت بحديثي ... وفتحت على نفسي باب كالعادة ... خلوني اقول لكم ... ماذا عملت وهذا اللي يهمكم من موضوعي ... انتهزت خروج الخدم من المطبخ وخترت جدر من الجدور اللي تسمونه القدر ... وولعت النار ووضعت جدري فيه .. وجبت من الثلاجة الطحين الأسمر .. وسمرته زياده .. ثم فكرت احط الزبده ام دهن الذرة .. قلت وش لي في الزبده اللي تسكر الشراين مع الزمن وقبلها طلقت دهن العداني .. لأني مغرم فيه مع المربين ومطبق السمج واللي تسمونه السمك وهو الصواب واهل اللغة تقول كل الحالتين صواب وهذي احد لهجات تميم القديمة ..شفتوا شلون اشط عن الموضوع ... نرجع مرة ثانية .. بعد ماحمست الطحين سكبت عليه الزيت ووضعت فوقه فلفل اسود اظن تعرفونه بس مطحون ثم معلقة هيل صغيره ووضعت فوقه الزعفران ثم غطيت الجدر على مااجهز الرطب ... واكره شيء انك طلع القمع والطعام ياخذ وقت واضعه في الخلاط .. وبنفس الوقت شميت رحية الطحين مع الزعفران والهيل تضرب بالراس طبعا ماهملت الجدر اقلب فيه لما اخذ كفايته ..عاهده بالحوس حتى لايحترق وتخترب اكلتي ... المهم ضربت الرطب بالخلاط مع وضع ماء قليل جداا بس ابيه يصبح مريس فقط ... ثم وضعته فوق الطحين .. اي نسيت اقول لكم وضعت معلقة صغيرة من الزهر على الطحين .. المهم تركته على النار بين 5 الى 8 دقائق فقط لاغير حتى لايحترق وانا واقف عليه ... تدرون هذي الأكلة عزيزة علي ... ماودي ضيع مني .. طبعا المخرج شيئ يجنن بالطعم .. اخترت ماعون جميل حتى تكون اكلتي رزه بين الأكل او على الأقل تسر الناظرين .. طبعا هذي الدنيا من بحرها وبرها علمتني في حالت ان كنت اطرد طير او اخيم مع ربعي او في حالة السفر ... شفتوا ما احلى الوقت في عصيدتي |
حديثك عذب وبسيط يدخل القلوب غير مكلّف
آنستنا يا الواضح عساه بالعآفية وانا بس شفت كلمة عصيده جيت للموضوع طيران بس عصيدتكم غير عصيدة الغمد :d |
<<<<<<< داخله جو مع طريقه العصيده
عموما ليتك حطيت لنا صوره لها ودي اشوف كيف تكون بالرطب انا احب العصيده مع القهوه وتكون بالدبس والتمر تطلع شي ونحط فوقها فلفل اسود وسمن واوووووو خيال .............. الواضح دائمااا استمتع بتواجدي بين سطورك |
واواوا تسلم يدك
<<<رافعه يدها فوق وتصفق بجد خشينا جو مع طريقة سردك حديث ممتع بس ليت مكملها بالصور اخي الكريم / الواضح وضوحك يشبه الشمس مبدع يعطيك العافيه |
اقتباس:
والله والنعم بالغامد اذا تقصدين القبيلة العريقة بكلمة الغمد ....على كل هذي ليست عصيدة اهل الكويت هذا الشيئ من تأليفي ... واتمنى انكم تعملونه اليوم او بكره .. شيئ جنان خاصة على الفطور وجايكم شهر كريم نسأل الله أن يرزقنا واياكم صيامه وقيامه واجره ... اما العصيد يعملونه عجايزنه خيال ويميل الى السمار اكثر اما انتم او اهل نجد اظن افتح منا وتبقى العصيده شيخة الأكل الشعبي قسم الحلويات عندنا شكرا لكن لاتنسين تفرحين والديك فيها بس اعملي طريقتي تقديري |
اقتباس:
اهلا فيك بين سطوري ... اظن تكون باهته وليس لها قيمة بدون تعليقاتكم اللطيفة اما اكلنا واكلكم يا أهل الإحساء قريب جدااا خاصة في هذه الأمور ............... اما طلب التصوير بتكون مره اخرى قبل اكلها .... اذا حصلت لي فرصة ووقت فارغ اصورها لكم تقديري |
اقتباس:
اقتباس:
مره اذكر مخيمين في بين حدود المملكة والكويت .. ومافي دورية من دوريات الهجانه ... الا جتنا يبون يعرفون وش هالشخصيات المخيمة في هذا المكان .... خلوا البر بأكملها وخيموا بين المنطقة الحدوديه .. يعني نصف خيمتنا رجلها في ارض المملكة ونصفها الأخر في الكويت ناس دور الطلايب .. مافي راعي غنم الا دخل علينا .. المهم عندنا عصيدة وقهوتنا على النار وربيع والضحى توه مفتح عيونه .. جانا راعي ابل .. وتقهوه عندنا ... لاسلمنا على قهوة ولاعصيده .. ماشاء الله تبارك الرحمن خلصها علينا ... وكنا مسرورين .. لأن نبحث عن الضيوف .. لأن الأكل اللي مايشارك فيه الضيف .. ماله قيمة ... لكن السؤال ليش كنا مخيمين في هذا المكان ... لأن في محطة جديده فيها ماء وبنزين ومسجد جمعه خيمنا قربها ... طبعا مسافة مشي سياره .. اما عن التصوير .. ماخطرت على بالي الفكرة ... نعوضكم بغيرها ان شاء الله |
ياماشاءلله ياماشاءلله
وش ذالعصيده الحلوه يالواضح عصيده وبالرطب اشوى انك ماجبت صورتها والا كان تشوقنا فيها اكثر تاكلها بالعافيه تحياتي . . |
اقتباس:
الله يعافيك ..... ذكرتني فيها .......... والله انها لذيذه خيال مره الثانية بنزل الصورة قبل الإفطار بساعتين .. تقديري |
[quote=الواضح;295240]
السلام عليكم ورحمة الله وبركاته خلونا نعيش احلى مافينا من واقع ..... والتصنع قتل للنفس وسلب اسباب السعاده .... مافي بيت يخلى من الخدم ... الوناسة والفرفشة ... انا اصنع كيانها ... والعفوية وبدون مكياج في اي عمل ... هو احلى مافي ايامنا ... والرتابة قتل بطيئ لنا ... شوفوا الناس قتلها الملل ... لأنها ماتعيش واقعها .. كأنهم آلات .. تتحرك بأوامر ماتملكها ... ليش احبس نفسي بين جهاز وجهاز ليش احبس نفسي بين اثاث واثاث ليش احبس نفسي بين لباس ولباس ليش احبس نفسي بين اتكيت واتكيت ليش احبس خطواتي بين جدار وجدار ... ليش لبست طوق التقيد والرسميات وانا في بيتي ... حتى الأطفال اصبحوا دمى في المنازل .. كل حركة محسوبة عليه .. يكفي كل يومه يعيش في احضان الخادمة هي تلبسه وهي توكله وهي تغسله .. مارضع حنان الأم ووجدانها ... رضع الهندام رضع صور بدون ارواح .. صج العصيده كانت حلوه بس بصراااحه مقدمتك أحلى طبخه يسويها الواحد فينا كل يوم مقاديرها: تعيش أحلى مافي الواقع التصنع قتل للنفس العفويه قتل الملل أصنع كيان السعاده الواضح عن جد أبدعت وأبدعت سرد جميل جدااا ووصف رااائع وحروف بسيطه تخاطب جميع العقول وتوني أدري أنك من أبناء البلد ويشرفني ذلك أخي الكريم تحياتي لك \ \ |
| الساعة الآن 04:15PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية